Clúster

• O recinto museístico de Estrella Galicia firmou un acordo coa Confederación Española de Axencias de Viaxe (CEAV) e a Asociación Galega de Axencias de Viaxes (Agavi) para promocionar as súas propostas.
• O MEGA Museo Estrella Galicia forma parte do Club de Produto Galicia Destino Sostible, con diversas experiencias cervexeiras.

MEGA firmou un acordo comercial coa Confederación Española de Axencias de Viaxes, que agrupa a 29 entidades de diferente ámbito territorial e de produto, e a Asociación Galega de Axencias de Viaxes. Este pacto fará que máis de 7.000 axencias de viaxes españolas oferten as experiencias do MEGA como parte do destino turístico da Coruña.

Deste xeito o Museo Estrella Galicia incorpórase como partner bronce á confederación. O acordo inclúe a súa presenza nos workshops e eventos organizados por CEAV, formación personalizada, apoio institucional e asesoramento sobre cuestións específicas do ámbito turístico.

O acordo, co turismo de calidade como nexo principal, permitirá dar a coñecer as propostas que oferta o museo por todo o territorio nacional. Esta unión, que converterá as experiencias do museo coruñés nun plan imprescindible da oferta cultural e de ocio da cidade da Coruña, pon en valor a desestacionalización e a diversificación do sector.

MEGA entrou en funcionamento no ano 2019, converténdose no primeiro e único recinto museístico español dedicado á cultura cervexeira. Ademais, o museo forma parte do Club de Produto Galicia Destino Sostible, ofertando diversas experiencias gastronómicas: visita guiada con tiraxe, maridaxe de conservas, maridaxe de queixos e maridaxe de embutidos.