Clúster

• Co SIMADA é posible monitorizar datos de apertura de establecementos, capacidade dispoñible, contratación, provisionamiento, fixación de prezos, datos de ocupación… e moito máis.

As empresas de aloxamento incorporadas ao Sistema de Monitorización e Análise de Datos de Aloxamento (SIMADA) xa trasladaron a súa satisfacción cos resultados que esta ferramenta ofrécelles. O acceso a información fiable e actualizada sobre ocupación, prezos e canles de venda está a facilitar ás empresas optimizar as súas estratexias comerciais, axustar prezos con maior precisión e mellorar a súa competitividade no mercado.

SIMADA, posta en marcha polo Clúster Turismo de Galicia co financiamento da Axencia Turismo de Galicia e presentada en Fitur 2025, é unha plataforma gratuíta, sinxela e segura que permite aos aloxamentos dispoñer de datos esenciais en tempo real. O seu funcionamento baséase na consulta de sistemas de xestión dos propios establecementos, complementados con datos de web scrapping de sitios relevantes de comercialización turística e información estatística do INE ou AENA, e sempre baixo criterios de confidencialidade.

Grazas a esta ferramenta, as empresas de aloxamento poden anticiparse ás tendencias do mercado, tomar decisións de apertura, contratación ou fixación de prezos máis fundamentadas, e adaptar a súa oferta en función da demanda real e proxectada.

Canto maior sexa o número de empresas adheridas ao sistema, maior será a calidade dos datos obtidos. Cumprimenta o seguinte formulario de inscrición para unirte ao SIMADA. Para máis información ou para resolver calquera dúbida, as empresas interesadas poden contactar co Clúster Turismo de Galicia a través do correo secretariatecnica@clusterturismogalicia.com ou no teléfono 881 247 436.

Informes de Previsiones

Ademais dos beneficios que a ferramenta achega para as empresas adheridas, o Clúster Turismo de Galicia emprega SIMADA como soporte para analizar as carteiras de reserva e balances de ocupación en períodos clave, como xa sucedeu esta pasada Semana Santa, e seguirá a empregar para monitorizar a evolución da demanda en pontes de interese, campañas estivais e outras datas estratéxicas.

Precisamente, xa se poden consultar os primeiros datos para esta próxima ponte de maio. Segundo os datos recollidos, as noites do xoves, venres e sábado presentan taxas de reserva do 53%, 56% e 55% respectivamente, descendendo o domingo ao 21%. A estancia media sitúase ao redor das tres noites, con prezos medios que alcanzan os 80 € o venres e sábado, baixando a 64 € o domingo e partindo de 74 € o xoves. En canto á procedencia dos visitantes, o 29% das reservas xa confirmadas corresponde a turistas estranxeiros, unha porcentaxe que previsiblemente aumentará, dado que aínda non se coñece a orixe do 24% restante. Cabe destacar, ademais, o peso de mercados internacionais como Portugal e América do Norte.