Clúster

• O pasado xoves, 24 de outubro, tivo lugar a presentación de Plan Estratéxico 2024-2028.

A comarca do Salnés deu un paso firme cara a un turismo sostible e equilibrado coa presentación do seu Plan Estratéxico de Turismo 2024-2028, que tivo lugar na adega Lagar de Pintos en Ribadumia. Este plan, aliñado coas estratexias da Deputación de Pontevedra e a Xunta de Galicia, busca consolidar ao Salnés e á provincia como un destino atractivo durante todo o ano, poñendo en valor a súa riqueza natural e cultural, cun enfoque na sostibilidadee en sectores chave como o enoturismo.

Luis López, presidente da Deputación de Pontevedra, destacou a importancia de contar cunha folla de ruta clara e compartido, que permita avanzar cara a un modelo turístico que non só respecte a contorna natural, senón que tamén promova a cultura e tradición locais.

Na presentación, o director de Turismo de Galicia, Xosé Merelles, subliñou a relevancia da colaboración institucional e a planificación no éxito turístico da rexión, especialmente en setembro, cando Pontevedra liderou o número de noites de pernoita en Galicia. Merelles destacou que iniciativas como este plan non só fortalecen o atractivo turístico da rexión, senón que tamén impulsan un modelo de desenvolvemento sostible que encaixa cos obxectivos da Estratexia de Turismo de Galicia 2030.

O Plan Estratéxico do Salnés tamén recolle o compromiso desta comarca coa Estratexia Rías Baixas Turismo 61, lanzada pola Deputación, que promove experiencias únicas nos 61 municipios da provincia, orientadas a desestacionalizar a demanda e evitar a masificación en contornas naturais. Esta estratexia provincial prioriza o contacto respectuoso coa natureza e un turismo de calidade que ofrece ao visitante experiencias auténticas da rexión.