Actividades

O Clúster Turismo de Galicia e o Clúster da Biomasa de Galicia organizan conxuntamente esta actividade que se desenvolverá en formato en liña.

 

A participación é gratuíta e o prazo para anotarse xa está aberto.

 

A procura de alternativas enerxéticas menos custosas e máis eficientes e respectuosas co medio ambiente é unha cuestión de importancia crecente no sector turístico. Para analizar este problema e propoñer solucións o Clúster Turismo de Galicia e o Clúster da Biomasa de Galicia programaron conxuntamente para o vindeiro xoves 3 de novembro unha xornada informativa que permitirá aos participantes coñecer os beneficios que o uso desta bioenerxía pode ter precisamente nesa dobre vertente de reducir os gastos e preservar o medio.

 

A xornada desenvolverase en formato en liña entre as 16 e as 19 horas coa participación de diversos expertos e de empresarios que ha coñecen os beneficios da biomasa. Cesáreo Pardal, presidente do Clúster Turismo de Galicia, e o seu homólogo do Clúster da Biomasa, Francisco Javier Álvarez, serán os encargados de abrir a sesión e dar a benvida a todos os intervenientes e participantes.

 

Os relatores da xornada serán Juan Jesús Ramos, técnico da Asociación Española de Valorización Enerxética da Biomasa (Avebiom); Diego Fernández, director técnico de Emisión Cero, e Bruno de Miranda, enxeñeiro industrial especialista en instalacións térmicas, que se ocuparán de cuestións como o potencial da biomasa nos distintos tipos de establecementos, as solucións con biomasa para usos térmicos en negocios turísticos e os requisitos legais en relación co Código Técnico da Edificación e o Regulamento de Instalacións Térmicas nos Edificios. Ademais, haberá tempo para coñecer a través dunha mesa redonda experiencias concretas de uso caldeiras de pellets, gasificación de leña e achas nun establecemento de turismo rural, un hotel vacacional e un hotel balneario-spa.

 

A participación nesta xornada cofinanciada pola Axencia Galega da Industria Forestal é gratuíta e a inscrición xa está aberta a través do seguinte formulario en liña: https://clusterbiomasa.gal/xornada-informativa-uso-de-biomasa-no-sector-turistico/

27 de Outubro de 2022

Os beneficios da biomasa para o sector turístico centrarán unha xornada informativa o 3 de novembro

O Clúster Turismo de Galicia e o Clúster da Biomasa de Galicia organizan conxuntamente esta actividade que se desenvolverá en formato en liña.   A participación […]
26 de Outubro de 2022

O Clúster apoia desde Madrid o salón gastronómico Xantar

A Casa de Galicia da capital española acolleu unha presentación do programa da 23 edición da cita ourensá, que se celebrará do 9 ao 13 de […]
25 de Outubro de 2022

Medio centenar de empresas e unha trintena de produtos integran xa o Club Galicia Destino Sostible, que puxo en marcha o Clúster Turismo de Galicia no mes de xullo

O seu obxectivo é axudar ao sector a avanzar cara a un novo modelo turístico máis aliñado cos Obxectivos de Desenvolvemento Sostible da Axenda 2030 e […]
17 de Outubro de 2022

A feira turística de Rímini tivo un ano máis representación galega

O Clúster e sete empresas desprazáronse con Turismo de Galicia ata Italia para participar na TTG Travel Experience.   Un ano máis, Galicia estivo representada na […]