As inscricións xa están abertas a través da web www.bttrutavinoriasbaixas.com
A BTT Ruta do Viño Rías Baixas celebrará a súa terceira edición no Rosal o domingo 21 de outubro nunha xornada que volverá unir deporte e enoturismo nunha xornada que aspira a igualar ou superar os 250 participantes da edición pasada.
As inscricións para esta proba organizada pola Ruta do Viño Rías Baixas xa están abertas e pódense formalizar a través da web www.bttrutavinoriasbaixas.com. O prazo para apuntarse finaliza o 18 de outubro. O prezo por dorsal é de 10 euros para deportistas federados e de 20 euros para non federados. O custo da inscrición inclúe todos os seguros, así como dous obsequios para os participantes: unha camiseta técnica e unha botella de viño de adegas asociadas á Ruta do Viño Rías Baixas.
A proba dará comezo ás 09.30 horas desde a Praza do Concello do Rosal para iniciar un percorrido de 45,5 quilómetros. As persoas participantes terán a oportunidade de descubrir as paisaxes da subzona do Rosal, cruzando viñedos e pasando por distintas adegas asociadas á Ruta do Viño Rías Baixas. Ao finalizar o percorrido ofrecerase un ágape para todos os participantes.
As inscricións xa están abertas a través da web www.bttrutavinoriasbaixas.com A BTT Ruta do Viño Rías Baixas celebrará a súa terceira edición no Rosal o domingo […]
Preto de 40 establecementos de turismo rural de Galicia coordinaron as súas propostas baixo o slogan “Viaxa polos camiños de outono”. O catálogo recolle 37 experiencias […]
Lanzan unha campaña conxunta baixo a súa marca paraugas Enoturismo Galicia co obxectivo de destacar o enoturismo experiencial que se poden gozar nas rutas “Aquí o […]
Brasil e Galicia exerceron de anfitrións nunha cita na que se reuniron 200 expositores, 25 turoperadores especializados e 60 relatores internacionais Termatalia, Feira Internacional de Turismo […]