Actividades

A entidade engloba a máis de 700 empresas e a máis de 10.000 veciños de oito asociacións de diferente carácter que se uniu en Compostela

Representantes veciñais, hostaleiros, inmobiliarias e de estudantes Erasmus, entre outros, constituíron a nova Plataforma pola Regulación de Vivendas de Uso Turístico de Galicia que agrupa a máis de 700 empresas e 10 mil veciños co obxectivo de pór freo a llass vivendas de aloxamento turístico ilegais e paliar as consecuencias que ten tanto no ámbito social como económico. A Asociación Hostalaría Compostela, Apartugali, a Asociación Galega de Inmobiliarias, a Unión Hostaleira Compostela, Raigame, Barrio Xardín, Erasmus.gal e Compostela Trip Rental presentaron onte o manifesto fundacional desta Plataforma, que nace con vocación de observatorio do cumprimento da legalidade e como instrumento “facilitador” de que as denuncias das irregularidades cheguen á autoridade competente na materia.

Carlos Debasa, presidente da Asociación Galega de Inmobiliarias (Agalín) denunciou que os cálculos indican que hai máis dun 80 % de prazas sen legalizar en toda Galicia que se ofertan en portais on-line, e que non ofrecen as garantías que ampara a lexislación para asegurar os dereitos dos consumidores e os cidadáns.

As consecuencias desta situación, subliñou, “son patentes e coñecidas”: caída da oferta de vivenda en aluguer, prezos inasumibles para os veciños, despoboamento das zonas de maior demanda turística, tendencia a unha oferta de negocios centrada nesta actividade ou desprazamento progresivo da poboación, enumerou Debasa.

No caso de Santiago de Compostela, esta situación agrávase polo propio modelo de cidade, que ten o compoñente engadido dunha gran comunidade universitaria, moita dela estranxeira. Neste sentido, a plataforma referiuse aos problemas que teñen os estudantes e, en particular, os Erasmus que realizan a súa formación na cidade, posto que ven obrigados a quedar á marxe da “vida social” e dificulta a súa integración. Os obxectivos da nova plataforma diríxense, especificamente, en facer fronte aos casos de irregularidades e ofrecer a súa colaboración ás administracións públicas para asegurar o cumprimento da lei e paliar as consecuencias desta alegalidad, canalizando as denuncias cara ao Instituto Galego de Consumo, pero sempre desde “un papel construtivo” para formular e propor alternativas e realizar achegas a novas normativas. De feito, queren ser un dos actores na mesa constituída pola Xunta e o Concello de Santiago de face á elaboración da regulación e normativa municipal nesta materia.

09 de Marzo de 2020

Nace a Plataforma pola Regulación de Vivendas de Uso Turístico de Galicia

A entidade engloba a máis de 700 empresas e a máis de 10.000 veciños de oito asociacións de diferente carácter que se uniu en Compostela Representantes […]
05 de Marzo de 2020

A Xunta incrementa un 30% as axudas para que sector e concellos accedan á certificación da Q de Calidade Turística

Cunha contía global de 130 mil euros, a Xunta de Galicia lanza unha convocatoria dirixida tanto á administración locais como ás empresas privadas para que aposten […]
04 de Marzo de 2020

A Ruta do Viño do Ribeiro presentou o seu plan para potenciar o territorio como destino enoturístico de calidade

Preto de 100 mil persoas visitaron o territorio en dez anos, entre 2008/2018, aínda que o fluxo anual de enoturistas alcanzou en 2018 o 13 mil. […]
02 de Marzo de 2020

Charlas informativas para que os propietarios das Vivendas de Uso Turístico coñezan as ferramentas á súa disposición para remitir, entre outros, os datos de ocupación

A Xunta pon en marcha este mes de marzo un ciclo de xornadas formativas no catro provinicias galegas para achegar aos propiestarios de Vivendas de Uso […]