Actividades

Na xornada, que se celebrará en Londres, presentarase a iniciativa Galicia Destino Sostible

A este evento asistirán Cesáreo Pardal, presidente do Clúster de Turismo e Diego Otero, vogal do Consello Executivo e membro do Comité de Avaliación de Galicia Destino Sostible.

 

A oficina Española de Turismo en Reino Unido celebrará en Londres, o próximo 26 de abril, o primeiro Día da Sustentabilidade de España. Abordaranse os novos retos do turismo pasando polo cambio climático, o turismo de masas ou o impacto das crises sanitarias e económicas. Á súa vez, mostraranse as iniciativas sostibles que se puxeron en marcha en España nos últimos anos.

 

Ao evento, que consistirá nunha conferencia durante o día e os premios xornalísticos de turismo responsable pola noite, asistirán Cesáreo Pardal, presidente do Clúster de Turismo, e Diego Otero, vogal do Consello Executivo e membro do Comité de Avaliación de Galicia Destino Sostible.

 

A conferencia, dirixida a operadores turísticos e medios especializados, contará con varios relatores, tanto españois como británicos, entre eles Diego Otero, que dirixirá a súa intervención en base a “como queremos que sexa o futuro no turismo”. Para facer fronte aos retos que afrontará o sector nos próximos anos, como o overtourism ou a redución da pegada de carbono, desde o Clúster apostamos por un turismo que sume ás persoas e ao planeta baseándonos nun modelo máis respectuoso e sustentable.

 

Froito desta aposta que fai o Clúster pola sustentabilidade, Otero presentará na súa intervención o Club de Produto “Galicia Destino Sostible”, creado coa intención de integrar toda a oferta turística sustentable de Galicia. Esta iniciativa conta, na actualidade, con máis de 70 empresas adheridas e preto de 140 ofertas publicadas na súa páxina web. O club recoñece a crecente importancia de promover o turismo sustentable na sociedade actual. Por este motivo, a súa plataforma ofrece unha maneira fácil para que as empresas e viaxeiros conéctense e accedan a unha ampla gama de actividades turísticas sustentables en Galicia. 

 

A participación no Spain’s Sustanability Day permitirá dar a coñecer o traballo que está a realizar o CTG en materia de sustentabilidade a través de Galicia Destino Sostible, o noso club de produto sustentable que esperamos que siga crecendo tanto en empresas adheridas como en ofertas publicadas. Goza do evento en streaming aquí (https://socialnewsroom.spain.info/spains-sustainability-day/).

 

25 de Abril de 2023

Galicia Destino Sostible preséntase en Londres en Spain´s Sustainability Day, un foro con medios e operadores especializados

Na xornada, que se celebrará en Londres, presentarase a iniciativa Galicia Destino Sostible A este evento asistirán Cesáreo Pardal, presidente do Clúster de Turismo e Diego […]
01 de Abril de 2023

Aberto o prazo para participar nas presentacións programadas polo Clúster en Málaga e Madrid

Un máximo de 26 empresas poderán tomar parte nas actividades que se desenvolverán os días 9 e 10 de maio.   Ambas xornadas comezarán cun workshop […]
29 de Marzo de 2023

Cesáreo Pardal reivindicou no Foro MICE o papel deste sector turístico para loitar contra a estacionalidade

O presidente do Clúster participou en Madrid nunha das mesas redondas do sexto Encontro Anual da entidade impulsada pola Organización Profesional de Congresos de España.   […]
23 de Marzo de 2023

Os nosos restaurantes presumen de talento nas galas da Guía Michelin e do certame De Tapas por Galicia

Un total de 54 establecementos foron distinguidos pola popular publicación durante o acto celebrado na Coruña.   O restaurante Paprica e o ArteSana Gastrobar gañaron os […]