Actividades

A próxima edición da feira turística internacional da capital alemá celebrarase os días 7, 8 e 9 do próximo mes de marzo.

 

O prazo para sumarse á comitiva que organiza o Clúster estará aberto ata o 15 de febreiro.

 

Os principais axentes do sector turístico internacional volverán reunirse en Alemaña o próximo mes de marzo para participar na ITB Berlín, unha das citas máis importantes do calendario mundial de feiras, que vén celebrando xa desde o ano 1966, pero que durante os dous últimos anos viuse afectada pola pandemia e tivo que modificar o seu formato. Os seus organizadores optaron no 2021 por unha feira virtual e, o ano pasado, por un versión híbrida que incluíu unha xornada virtual na que o Clúster Turismo de Galicia impulsou a participación dunha decena de empresas galegas.

 

Unha vez recuperada case por completo a normalidade prepandemia, a edición deste ano da ITB Berlín desenvolverase no formato presencial tradicional entre os días 7 e 9 de marzo e de novo Galicia estará representada polo Clúster Turismo de Galicia a través dunha misión comercial da que poderán formar parte unha vintena de representantes do noso sector.

 

A comitiva encabezada polo Clúster partirá de Vigo o 6 de marzo e emprenderá a viaxe de regreso o día 9. Poderán formar parte da mesma un máximo de 22 participantes e o prazo para inscribirse estará aberto ata o 15 de febreiro. Os interesados en sumarse a esta misión comercial deben enviar un correo electrónico a secretariatecnica@clusterturismogalicia.com solicitando a súa inscrición e incluíndo os seus datos persoais (nome, apelidos, DNI, empresa á que pertencen, datos de contacto e facturación) e achegando o xustificante de pago do ingreso de 700 euros en concepto de “Servizos de Internacionalización en ITB Berlín 2023”. A participación está aberta a representantes dos seguintes sectores e nesta orde de prioridade: comercialización e a distribución, aloxamento e oferta complementaria, e outras entidades.

 

No marco da misión comercial organizarase unha cea networking. Ademais, a ITB Berlín contará cun speed networking para o que será necesario realizar unha inscrición adicional con antelación para asegurarse a praza correspondente.

26 de Xaneiro de 2023

O Clúster prepara xa a súa misión comercial á ITB Berlín

A próxima edición da feira turística internacional da capital alemá celebrarase os días 7, 8 e 9 do próximo mes de marzo.   O prazo para […]
25 de Xaneiro de 2023

Choiva de premios para o turismo galego en FITUR

O Concello de Sanxenxo recibiu un dos galardóns Q de Calidade Turística 2023 durante a gala presidida pola Ministra de Turismo.   Tres iniciativas compostelás foron […]
20 de Xaneiro de 2023

O espazo de negocios do Clúster en FITUR facilitou 400 reunións nas que participaron máis de 1.000 profesionais do sector

Irlanda, Reino Unido, Brasil e Estados Unidos son os principais países que se interesaron polo destino Galicia, e rexistrouse un maior interese de países latinoamericanos pola […]
20 de Xaneiro de 2023

O Clúster inicia a conmemoración do seu décimo aniversario en FITUR agradecendo o apoio do sector e a colaboración das administracións

O presidente da entidade, Cesáreo Pardal, destacou que o traballo destes dez anos puxo de manifesto a importancia estratéxica do sector para a comunidade.   Mostrou […]