Actividades

• Eat & Walkabout, Cuñas Davia, Bodegas Martín Códax, Aboamigalla, Pazo de Esposende, Casa dos Ulloa, Rutas Meigas, Restaurante Javier Montero e Hotel Javier Montero son as novas empresas que xa forman parte do club Galicia Destino Sostible.
• A iniciativa conta con máis de 150 experiencias e máis de 80 empresas adheridas, e segue aberta a recibir novos membros.

A iniciativa Galicia Destino Sostible segue medrando, sumando desta quenda nove incorporacións. Durante o comité de avaliación deste luns, 2 de outubro, aprobouse aceptar as solicitudes de adhesión das empresas Eat & Walkabout, Cuñas Davia, Bodegas Martín Códax, Aboamigalla, Pazo de Esposende, Casa dos Ulloa, Rutas Meigas, Restaurante Javier Montero e Hotel Javier Montero.

Estas empresas súmanse a un grupo cada vez máis amplo, que incorpora aos sectores das axencias de viaxe, restauración, aloxamento e a oferta turística complementaria. Actualmente o club ofrece máis de 150 experiencias que proveñen de máis de 80 empresas galegas diferentes.

O Club de Produto Galicia Destino Sostible é unha iniciativa posta en marcha en 2022, impulsada polo Clúster Turismo de Galicia, en colaboración coa Axencia de Turismo de Galicia, co obxectivo de integrar nunha única plataforma a oferta turística sustentable da nosa Comunidade, poñela en valor e incrementar as súas posibilidades de difusión e comercialización.

Esta marca articúlase como un club de produto turístico que integra toda a oferta turística galega respectuosa co medio ambiente, a cultura e a sociedade. A través do portal galiciadestinosostible.com pódense atopar desde rutas en bicicletas, barco ou a pé, ata paquetes de gastronomía, aloxamento, enocultura, deporte, etc.

A iniciativa segue aberta a recibir novos membros e experiencias. Se tes unha empresa e queres formar parte do club, podes solicitar a túa adhesión a través do formulario habilitado na web. Para obter máis información podes contactar a través do número 881 505 102 ou do correo electrónico info@galiciadestinosostible.com.