Actividades

Turismo de Galicia e o sector turístico galego no seu conxunto apostan en 2017 polas feiras profesionais de carácter internacional e especializadas, continuando así co traballo de internacionalización e procura de novas canles de comercialización para a marca Galicia. Así, no calendario provisional de asistencia a Feiras que comunicou Turismo de Galicia a oferta turística galega estará presente nun total de 33 feiras turísticas profesionais, dez nacionais e 23 internacionais. Estas últimas levarán os produtos turísticos do noso territorio a paises como Xapón, China, Brasil, Canadá, Rusia, Reino Unido, Holanda, Italia, Alemaña ou Austria, entre outros.
A presenza neste tipo de encontros profesionais permite ás nosas empresas establecer contactos e relacións comerciais e adaptar mellor os nosos produtos turísticos ás necesidades que lles trasladan os turoperadores, ben sexa en mercados xa consolidados como o europeo (Italia, Alemaña, Reino Unido…) ou en novos mercados como o Chinés ou o canadense. Ademais, a particicipación en feiras especializadas en turismo relixioso, o ornitolóxico, o náutico ou o de reunións permite orientar a nosa oferta turística cara a nichos de mercado con grandes posibilidades de crecemento e de futuro.

Descarga o calendario provisional de Feiras 2017 de Turismo de Galicia