Actividades

A entidade, tres empresas e outros representantes galegos participan nas Xornadas Directas en América do Sur organizadas por Turespaña.

 

As actividades desenvolveranse na cidade brasileira o 26 e 27 de setembro e na capital arxentina o 29 e o 30.

 

Sudamérica é o novo destino das actividades de promoción turística no exterior nas que toma parte o Clúster Turismo de Galicia. Neste caso trátase dunhas Xornadas Directas organizadas por Turespaña que terán lugar en Brasil e Arxentina e nas que o Clúster difundirá un catálogo con información e propostas dunha vintena de asociados erixíndose unha vez máis como a voz do sector, aínda que non o fará en solitario. As empresas Tee Travel, Interrías e Pilgrim enviarán aos seus propios representantes para dar a coñecer as súas respectivas ofertas de actividades. E tamén haberá representantes do Museo MEGA Mundo Estrella Galicia, do Concello de Santiago e de Turismo de Galicia.

 

A cidade brasileira de Sao Paulo será a primeira parada desta viaxe promovida por Turespaña e as actividades alí previstas desenvolveranse o luns 26 e o martes 27. Os integrantes da delegación española poderán participar en varias roldas de reunións e networking con empresarios locais.

 

A segunda parte da viaxe levaraos ata Arxentina para tomar parte nun programa similar, que se desenvolverá o xoves 29 e o venres 30. Serán tamén dúas xornadas de reunións e networking, aínda que neste caso haberá un tempo dedicado non só a interactuar con empresarios locais, senón tamén a entrar en contacto con outros representantes latinoamericanos.

 

A viaxe encádrase no programa de encontros Spain Tourim Summit 2022, no marco do cal xa se desenvolveu a primavera pasada unha actividade similar en Miami con participación tamén do Clúster Turismo de Galicia.

22 de Setembro de 2022

O Clúster promociona Galicia en Sao Paulo e Bos Aires

A entidade, tres empresas e outros representantes galegos participan nas Xornadas Directas en América do Sur organizadas por Turespaña.   As actividades desenvolveranse na cidade brasileira […]
19 de Setembro de 2022

O Club de Produto Galicia Destino Sostible suma catro novas incorporacións e supera xa a trintena de membros

En datas próximas lanzaranse os primeiros produtos turísticos deseñados para formar parte do club.   As empresas que se adhiran antes de finalizar setembro poderán optar […]
12 de Setembro de 2022

Un centenar de empresas poderán beneficiarse das axudas do Club de Produto Galicia Destino Sostible

Repartiranse máis de 300.000 euros para a creación de novos produtos turísticos.   As empresas que queiran optar ao programa de patrocinios deben adherirse ao club […]
04 de Setembro de 2022

O Clúster abre o prazo para sumarse á súa próxima misión comercial a Italia

Participará na feira internacional TTG Incontri Rimini, que se desenvolverá do 12 ao 14 de outubro.   Hai 6 prazas dispoñibles e os interesados poden anotarse […]