Actividades

A Axencia de Turismo de Galicia destinará 3,5 millóns a melloras aos negocios de restauración e aloxamento, ademais dos 75 millóns que se incluirán no segundo plan de rescate para todo o sector

O Diario Oficial de Galicia publicou a Resolución que establece as bases reguladoras para a concesión de subvencións para a mellora de infraestruturas de aloxamentos turísticos e establecementos de restauración en Galicia. En total, destinaranse a estas axudas un total de 3,5 millóns de euros.

As empresas poderán recibir entre o 30 e o 50 por cento do investimento, que non poderá superar os 100.000 euros.

Poderán ser subvencionadas actuacións como:

• as destinadas a mellorar as condicións de accesibilidade e eliminar barreiras arquitectónicas;
• obras destinadas á mellora das instalacións para obter certificacións de calidade, especialmente a Q de Calidade Turística;
• as destinadas á adaptación ás modificacións normativas e á mellora da clasificación do establecemento que supoñan un aumento de categoría;
• renovación e modernización das instalacións e embelecemento do entorno das instalacións;
• mobiliario necesario para o seu funcionamento;
• as para a mellora da climatización que favorezan a sustentabilidade coa implantación de medidas de aforro de enerxía, así como a instalación ou mellora de sistemas de extracción e renovación de aire;
• os de dixitalización dos sistemas de xestión e comercialización do establecemento;
• a adaptación dos sistemas de seguridade e saúde na prestación de servizos.

FICHAS RESUMEN DAS AXUDAS, NESTA LIGAZÓN

ou

PODE DESCARGAR O DOCUMENTO OFICIAL NESTA LIGAZÓN

FICHAS EXPLICATIVAS DO SEGUNDO PLAN DE RESCATE

Por outra banda, a Xunta de Galicia, a través da Vicepresidencia primeira e Consellería de Turismo e da Consellería de Emprego e Igualdade, elaborou uns ficheiros nos que explica os contidos e os beneficiarios do segundo plan de rescate para os sectores afectados. por medidas contra a pandemia, dotadas con 75 millóns de euros. Como xa sucedeu no primeiro plan, hai unha liña específica para a hostalería.

PODES DESCARGAR AS FICHAS NESTA LIGAZÓN