Actividades

• Será o 29 de abril, de 10:30 a 12:00h, e está dirixida ás empresas turísticas da oferta complementaria.

O vindeiro martes 29 de abril de 2025, o Centro GaiásTech acollerá a xornada “Más reservas, menos esforzo: claves para rendibilizar a túa web“, unha iniciativa organizada pola Xunta de Galicia destinada a empresas turísticas que ofrecen actividades, visitas guiadas e experiencias na comunidade.

A sesión, que se desenvolverá de 10:30 a 12:00 horas e tamén estará dispoñible en streaming, ten como obxectivo proporcionar ferramentas prácticas para mellorar a presenza dixital das empresas, simplificar a súa operativa diaria e aumentar as reservas en liña.

O programa inclúe un relatorio a cargo do equipo de FareHarbor, especializada en solucións tecnolóxicas para a xestión de reservas, e a presentación dun caso práctico por parte de Pablo Mariño, fundador de Bluscus Turismo Mariñeiro, quen compartirá a súa experiencia na dixitalización do seu negocio.

A xornada concluirá cunha sesión de preguntas e respostas e un espazo de networking, ofrecendo aos asistentes a oportunidade de intercambiar ideas e establecer contactos profesionais.

Esta actividade impulsa a transformación dixital do sector turístico, promovendo a adopción de tecnoloxías que melloren a competitividade e sostibilidade das empresas do sector. Consulta o programa completo na seguinte ligazón.