Actividades

O 9 e 10 de maio o Centro Superior de Hostalaría de Galicia celebrará o seu primeiro Foro Gastronómico, o GastroFÓRUM 2016, unha iniciativa na que se darán cita destacados profesionais do sector e que incluirá showcookings, relatorios e catas de produto. Ademais, o encontro servirá tamén como punto de encontro para o sector, que porá en común as súas preocupacións, así como novas técnicas culinario ou novos modelos de negocio.
Programa do Gastrofórum
No Gastrofórum participarán prestixiosos cociñeiros e profesionais da hostalaría e da restauración de Galicia como Pepe Solla, Marcelo Tejedor, Héctor López, Javier Olleros, Caco, Luís Vieira ou o Chef Rivera, entre outros. Celebraranse xornadas de debate sobre a nosa gastronomía e os seus produtos, a fusión, a tradición e os novos modelos de restauración. Neste marco, realizaranse catas de viños galegos, augardentes e licores, así como degustacións doutros produtos da terra como queixos ou aceite. Este evento gastronómico tamén incluirá a celebración de talleres de cociña a cargo de grandes profesionais galegos.

A asistencia aos diferentes relatorios é gratuíta pero é necesaria a inscrición previa a través da seguinte ligazón.