Activities

No marco do proxecto da Rede Transrexional de Impulso da RSE (REDE) a Consellería de Traballo, en colaboración con la Axencia de Turismo de Galicia e o Clúster Turismo de Galicia, Compostela acolleu a xornada “O turismo. Claves para a súa sostenibilidade”, un encontro ideado por darlle visibilidade as boas prácticas que en materia de Responsabilidade Social Empresarial están levando adiante xa numerosas empresas tanto en Galicia coma nas outras rexións pertencentes á Rede Transrexional de Impulso da RSE (REDE): Navarra, Estremadura, Tenerife e Vale do Minho.

A directora de Turismo de Galicia, Nava Castro, e a directora xeral de Traballo, Carmen Bouso, acompañadas do presidente do Clúster do Turismo de Galicia, Francisco González, foron as encargadas de inaugurar o foro. Na súa intervención González destacou a necesidade de comezar a falar de rendabilidade e sustentabilidade, máis aló das boas cifras acadadas polo sector, “para caminar na dirección da sostenibilidad faise imprescindible contar con políticas sociais e medioambientais nas que traballemos conxuntamente o sector e as administracións públicas, tarea na que desde o Clúster estamos traballando en dúas liñas: na senda da calidade e na do traballo conxunto para identificar as boas prácticas”.

Precisamente neste sentido camiña a Guía de RSE para o sector turístico que tamén se presentou ao longo desta xornada, tralo relatorio “As claves da sustentabilidade nunha peme do sector turismo”, a cargo de Elena del Pilar Ramallo Miñán. A guía, que foi presentada pola subdirectora xeral de Traballo, Maria Coutiño, é a sexta guía sectorial publicada pola Xunta de Galicia, que ten por obxectivo facilitar o camiño ás pemes á hora de iniciar ou continuar o seu camiño na RSE, a través dos recursos e ferramentas necesarias. Tanto Coutiño como a directora xeral de Traballo e Economía Social, Carmen Bouso, aproveitaron a presenza de empresas do sector para lembrar a convocatoria dos premios RSE Galicia, para os que se poden presentar candidaturas ata o próximo 14 de setembro, e que conta con catro modalidades: ambiental, económica, conciliación laboral e familiar, e de promoción da igualdade de xénero.