destacados

O sector turístico poderá optar nas próximas semanas a novas subvencións por importe de case 16 millóns de euros

 

A elaboración de novos produtos sustentables para reforzar a imaxe de Galicia como destino turístico seguro é o obxectivo do convenio entre a Xunta e o Clúster Turismo de Galicia aprobado polo Goberno galego na súa última reunión. O acordo, dotado cunha achega autonómica de 700.000 euros, permitirá deseñar produtos turísticos enfocados ás novas demandas dos consumidores, que teñan en conta a sustentabilidade ambiental e enerxética, e que incorporen elementos de consumo de proximidade.

 

Estes novos produtos darán apoio ao sector receptivo e ás axencias de viaxes a través de paquetes especializados e atenderán tamén a cuestións relacionadas coa dixitalización e a mellora do proceso de comercialización, tanto en canto á canle como no relativo ao cliente final. Para iso contactarase con empresas do sector turístico representativas de distintos ámbitos así como con diferentes sectores sociais a través de accións online e offline. Tamén está prevista a creación dun club de produto sostible, a elaboración de materiais promocionais para as axencias e o cliente final, e a realización de accións de mercadotecnia para dar a coñecer os novos produtos deseñados.

 

O convenio entre a Xunta e o Clúster estará vixente ata decembro do próximo ano cun investimento de 200.000 euros para o presente exercicio e de 500.000 para o 2022.

 

Ademais, a Xunta ten previsto convocar ao longo deste mes distintas liñas de apoio ao sector turístico por un importe total de case 16 millóns de euros que beneficiarán tanto a axencias de viaxes como a establecementos hostaleiros e municipios de menos de 10.000 habitantes. Ás axencias de viaxes está dirixida unha convocatoria de axudas de ata 350.000 euros para o mantemento dos establecementos, mentres que os negocios hostaleiros poderán repartirse ata 6 millóns de euros en subvencións para equipamentos  postcovid (domótica, automatización, rotulación, sistemas de desinfección…) e outra cantidade similar para a dixitalización e mercadotecnia dixital (aplicacións informáticas, captación de clientes, desenvolvemento web…).

10 de Setembro de 2021

A Xunta e o Clúster colaborarán para promocionar Galicia como destino seguro a través de novos produtos sustentables

O sector turístico poderá optar nas próximas semanas a novas subvencións por importe de case 16 millóns de euros   A elaboración de novos produtos sustentables […]
08 de Setembro de 2021

O Clúster debulla a súa estratexia e os retos do sector turístico nun foro promovido por Ineo

César Ballesteros, secretario da entidade, participou nun encontro virtual sobre a dixitalización do sector   O Clúster Turismo de Galicia estivo presente no obradoiro para a […]
29 de Xullo de 2021

A Xunta xa recibiu preto de 5.000 solicitudes de axudas do III Plan de Rescate, que nunha segunda fase poderían chegar aos 200.000 euros

Representantes dos sectores afectados pola pandemia reuníronse hoxe coa directora xeral de Emprego, Covadonda Toca A Xunta de Galicia xa recibiu as primeiras solicitudes de axudas […]
22 de Xullo de 2021

A Xunta, o Clúster e as Universidades presentan o Plan Director 2021-2023 para o turismo en Galicia A Xunta, o Clúster e as Universidades presentan o Plan Director 2021-2023 para o turismo en Galicia

As accións contidas nesta planificación suporán investimentos de preto de 500 millóns de euros en tres anos, dos cales máis da metade se dedicarán a reactivar […]