destacados

O TSXG xa ratificou a denegación da medida cautelar solicitada pola Asociación Provincial de Empresarios de Hostalaría da Coruña para deixar en suspenso as limitacións de apertura do lecer nocturno
A hostalaría compostelá tampouco acata o acordo coa Xunta 

Mentres a Asociación Hostalaría Compostela e a Asociación de Bares, Pubs e Discotecas de Santiago non están dispostas a asumir os compromisos aos que chegaron coa Xunta os representantes do sector en Galicia, nos que se asumía o peche do lecer nocturno como medida cautelar para a limitación da propagación da COVID19, as asociacións de hostalaría de Pontevedra, Lugo e Coruña tamén iniciaron os seus movementos conxuntos en contra da resolución da Consellería de Sanidade aprobada o pasado 14 de agosto e que os profesionais deste sector consideran “desproporcionada” e lesiva para os seus intereses. Por iso, entre as primeiras medidas que tomaron conxuntamente as asociacións provinciais de Pontevedra, Lugo e A Coruña, foi presentar un recurso para suspender a aplicación das disposicións que ordenan o peche dos locais de discotecas e demais establecementos de esparexemento nocturno, e que fixan como hora máxima de peche as 00:30 horas.

Con todo, a  Sala do Contencioso-Administrativo do Tribunal Superior de Xustiza de Galicia xa fallou na súa contra e denega a medida cautelar, ordenando que se manteñan as medidas preventivas cuestionadas pola indubidable preponderancia do interese xeral na protección da saúde pública, ao interese de hostaleiros e centros gastronómicos e de esparexemento.

Desde Feprohos indican que “o sector do lecer nocturno é unha das actividades empresariais e económicas que está a sufrir as peores consecuencias da crise do coronavirus”. Os empresarios lamentan que se estea proxectando na poboación “unha imaxe negativa da actividade, culpabilizándola de boa parte dos rebrotes” e aseguran que o sector “levou a cabo escrupulosamente todas as medidas sociais, hixiénicas e de seguridade que indicaron en todo momento as autoridades sanitarias”. Ademais do recurso que agora perderon, estudarán a posibilidade de convocar mobilizacións.

Lecer nocturno en Compostela 

Pola súa banda a Asociación Hostalaría Compostela e a Asociación de Bares, Pubs e Discotecas de Santiago  están a tentar chegar a un acordo co Goberno local de Santiago de Compostela para que os locais do lecer nocturno da cidade poidan traballar con licenza de bar e abrir así os seus negocios nos horarios permitidos a estes.

“Cremos que a noticia normativa que impide a apertura de bares de copas, salas de festas e discotecas e deber á redución horaria para todos os establecementos de hostalaría é unha medida mediática que non atende a criterios sanitarios. Criminaliza licenzas e non actividades”, opinan.

As dúas asociacións están, ademais, avaliando posibles accións legais contra esta normativa que discrimina á hostalaría nocturna e que supón un dano moi grave para un sector xa moi castigado.”De seguir así, suporá a perda de centos de empregos e o peche definitivo de decenas de establecementos na nosa cidade”, apuntan.

O sector advirte ademais que sen unha alternativa de lecer nocturno é moi probable que se multipliquen as reunións en espazos privados onde non hai ningún tipo de medidas de control, como si se están levando a cabo no interior dos locais de hostalaría (control de aforamento, distancia de seguridade, uso da máscara…).

Hostalaría Compostela e Bares, Pubs e Discotecas de Santiago reclaman un equilibrio entre a seguridade sanitaria e a viabilidade económica do sector e fan un chamamento á responsabilidade individual e á realización de probas  PCR de maneira indiscriminada como máximo garantizadora da contención do virus.

31 de Agosto de 2020

As asociacións provinciais de hostalaría de Pontevedra, Lugo e A Coruña, unidas en contra da resolución da Xunta de peche do lecer nocturno

O TSXG xa ratificou a denegación da medida cautelar solicitada pola Asociación Provincial de Empresarios de Hostalaría da Coruña para deixar en suspenso as limitacións de […]
29 de Xullo de 2020

Os viaxeiros que cheguen a Galicia desde territorios con maior prevalencia da COVID19 terán que comunicar os seus datos ao SERGAS

Co obxectivo de implementar novas medidas de prevención para facer fronte á crise sanitaria ocasionada pola COVID19, a Xunta de Galicia aprobou unha nova medida que […]
28 de Xullo de 2020

Aberto o prazo de solicitude para os beneficiarios do bono turístico

Os interesados dos ámbitos sanitario e sociosanitario poderán pedilo até o 30 de novembro e a súa concesión realizarase por orde de inscrición e até esgotar […]
20 de Xullo de 2020

Hoteis de catro e cinco estrelas, emprazamentos singulares… máis de 200 empresas adscribíronse xa ao Bono Turístico

A Xunta publicará ao longo desta semana o sistema para que os potenciais beneficiarios poidan solicitar o bono Paradores, hoteis de cinco e catro estrelas, emprazamentos […]