destacados

O Clúster de Turismo de Galicia mantivo un encontro co presidente da Xunta, Alberto Núñez Feijóo e a directora de Turismo de Galicia, Nava Castro, co obxectivo de facer balance da evolución do sector turístico galego desde 2014, data da posta en funcionamento do Clúster, até agora.

O encontro, que se desenvolveu no Restaurante do Centro Superior de Hostalaría de Galicia, servido polos alumnos que estudan alí, serviu tamén para fixar os restos do sector até 2021, entre os que se contan, como xa se avanzou en Fitur, o obxectivo de alcanzar os 5millóns de visitantes.

O presidente do Clúster, Francisco González, pola súa banda, acompañado polos membros do Consello Executivo tamén aproveitou a reunión para trasladarlle ao presidente da Xunta as súas inquietudes e necesidades como sector para poder afrontar conxuntamente os retos propostos e traballar conxuntamente por un sector turístico de calidade, moderno e competitivo.