destacados

O Porto de Vigo acolleu o acto central desta iniciativa promovida por Turismo de Galicia coa colaboración do Clúster.

 

A gastronomía é un activo importante á hora de promocionar Galicia entre aqueles que percorren o Camiño de Santiago e se senten atraídos polas celebracións do Ano Santo Xacobeo 2021-22. Así o puxo de manifesto Écociña no Camiño, unha campaña desenvolvida pola Xunta de Galicia a través de Turismo de Galicia coa colaboración do Clúster Turismo de Galicia.

 

As instalacións do Porto de Vigo acolleron o acto central desta iniciativa, que serviu para facer balance e agradecer o traballo dos establecementos participantes. O vicepresidente primeiro da Xunta e conselleiro de Presidencia, Xustiza e Turismo, Alfonso Rueda, foi o encargado de presidir unha xornada na que destacou os resultados de Écociña no Camiño explicando que “conseguiu o obxectivo de que o Camiño se converta tamén nunha experiencia gastronómica para o peregrino” e que o aspecto culinario “sexa un atractivo máis para camiñar a Galicia”.

 

O acto celebrado en Vigo coa participación da directora de Turismo de Galicia, Nava Castro; o presidente da Autoridade Portuaria de Vigo, Jesús Almuíña; o presidente da Confederación Galega de Empresarios de Hostalería e Turismo, Cheché Real, e o presidente do Clúster Turismo de Galicia, Cesáreo  Pardal, serviu tamén para entregar aos responsables dos establecementos que participaron na campaña senllas distincións e para anunciar que a iniciativa terán continuidade durante o 2022.

 

Rueda explicou que a intención da Xunta é aproveitar a continuación deste Xacobeo bienal para seguir captando establecementos que se somen á oferta gastronómica e contribúan tamén a proxectar o Camiño de Santiago como referente da cociña de calidade e sostible.

 

Nas actividades realizadas ata a data no marco do programa Écociña no Camiño participaron máis dun centenar de establecementos situados en diversos puntos das distintas rutas de peregrinación dando forma a menús autóctonos elaborados con produtos de proximidade e fomentando así tamén a sustentabilidade e o compromiso coa contorna.

30 de Novembro de 2021

Écociña no Camiño impulsa o tirón gastronómico das rutas de peregrinación a Santiago

O Porto de Vigo acolleu o acto central desta iniciativa promovida por Turismo de Galicia coa colaboración do Clúster.   A gastronomía é un activo importante […]
23 de Novembro de 2021

O Clúster Turismo de Galicia potencia o programa “Destino Familiar” para aumentar o número de establecementos que participan na iniciativa

O seu presidente, Cesáreo Pardal, e a directora de Turismo de Galicia, Nava Castro, participaron en Santiago na presentación dun vídeo e das novas actuacións que […]
18 de Novembro de 2021

Deporte e turismo xuntan forzas en Sportur Galicia

O salón que se celebra en Ourense o 18 e o 19 de novembro inclúe un workshop no que participarán catro maioristas especializados.   O sector […]
18 de Novembro de 2021

O turismo de interior galego traspasa fronteiras en Intur


Once empresas asociadas ao Clúster participarán no apartado profesional da feira que se celebra en Valladolid do 18 ao 21 de novembro.   Intur, a Feira […]