destacados

A iniciativa afronta a súa recta final tras a excelente acollida que tivo entre os establecementos turísticos de Galicia.

Un total de 64 empresas e establecementos turísticos de Galicia xa participaron no programa de asesoramento e consultoría en liña “Turismo 100×100” promovido polo Clúster de Turismo de Galicia co apoio da Axencia de Turismo de Galicia.

“Turismo 100×100” ofrece ás empresas asesoramento centrado nunha área específica cunha duración de ata 10 horas divididas en cinco reunións “on line”. As áreas son planificación estratéxica, xurídica, financeira, fiscal, de recursos humanos, traballo, marketing e vendas ou novas tecnoloxías.

O programa afronta a súa recta final despois da excelente acollida que tivo ata o momento e as empresas turísticas interesadas aínda poden procesar a súa participación das seguintes formas:

• Cubrindo o formulario nesta ligazón.
• Enviando un correo electrónico.
• Ou chamando ao 881 505 102

Máis información na páxina web.