destacados

• Os aloxamentos e axencias de viaxe poderanse dar de alta ata o 1 de decembro de 2023.
• Para sumarse á iniciativa, os establecementos turísticos deben estar dados de alta no Rexistro de Empresas e Actividades Turísticas (REAT).

Coa publicación do Documento Oficial de Galicia (DOG) o pasado venres, 20 de novembro, comezou a nova campaña do bono turístico #DescubreGaliciaenOutono. Desde ese mesmo día, as axencias de viaxe e establecementos de aloxamento interesados en adherise á iniciativa a través da páxina bonoturismo.gal. Poderán facelo ata o peche do prazo de adhesión, que será o 1 de decembro de 2023.

Poderán participar establecementos de aloxamento situados en Galicia (establecementos hoteleiros, campamentos de turismo, establecementos de turismo rural, apartamentos turísticos, vivendas turísticas e albergues turísticos) e as axencias de viaxe que teñan un centro de traballo na comunidade galega, e que desenvolvan as súas actividades dentro do sector turístico vinculado a Galicia, prestando servizos, actividades ou produtos vinculados a este programa en Galicia.

En ambos os dous casos deberán estar dados de alta no Rexistro de Empresas e Actividades Turísticas (REAT) no momento da publicación da convocatoria, e ter coñecemento da sinatura que se lles proporcionou no momento da alta neste rexistro.

Un sistema renovado

O bono turístico da Xunta de Galicia conta este ano con novidades respecto á edición anterior. Desta quenda empregarase un sistema de descarga e uso diferente. Nesta edición, non se habilitarán tarxetas moedeiro prepago, senón que se porán en circulación 10.000 bonos desconto, en formato de código QR, por valor de 100 € cada un. A través deste, poderase gozar de descontos do 40% en cada compra ata esgotar o saldo do bono.

Beneficiarios do bono

As persoas interesadas en solicitar o bono turístico poderano facer a partir do vindeiro venres, 27 de outubro, ás 09:00 horas, a través da web bonoturismo.gal. A data límite para empregar o bono nos establecementos adheridos será o 25 de decembro.