Clúster

A Asociación de Profesionais do Turismo de Galicia, PROTURGA, lanzou a primeira Guía de Profesionalización do Turismo, unha publicación que pode descargarse da súa web, e que parte dun estudo realizado pola asociación sobre as competencias de cada unha das titulacións de turismo existentes no mercado en relación aos postos de traballo do sector turístico.

O seu obxectivo é sensibilizar sobre a profesionalización do sector, un aspecto que consideran clave en Proturga para mellorar a calidade e a competitividade turística xa que o capital humano é un factor irrepetible en cada organización. Aínda así, subliñan “existe unha crenza de que para traballar en turismo vale calquera, o que provoca un gran intrusismo laboral, falta de profesionalización e, unha diminución da calidade”. Dirixida a organismos públicos e privados, recolle unhas recomendacións de titulacións mínimas a incluír nos perfís de postos de empresas e organismos turísticos, así como nas esixencias dos concursos das administracións. Así, a guía distingue entre os postos de traballo aos que se accede a través de concurso público e os que ofrecen as empresas e realiza unha serie de recomendacións sobre a formación que debe esixirse en cada proceso de recrutamento, establecendo, por exemplo, que para
acceder a un posto de xefe de proxecto a través de concurso público sería necesario obter unha Diplomatura ou un Grao en Turismo e cursar un máster ou que nos procesos de contratación para traballar na dirección dun aloxamento, esíxase estar diplomado ou graduado en Turismo ou obter un Diploma Superior en Xestión Hostaleira.

A ligazón de descarga desta guía é o seguinte: https://proturga.org/campana-de-sensibilizacion/