Clúster

• A Axencia de Turismo de Galicia ofrece axudas para a compra de bicicletas e patinetes eléctricos e a instalación de estacións de reparación e puntos de carga nas Rutas do Viño de Galicia, co obxectivo de promover a mobilidade sostible.

A finalidade das axudas é a concesión de axudas para establecementos turísticos de aloxamento e adegas situadas nos territorios das cinco Rutas do Viño de Galicia para a adquisición, instalación e posta en funcionamento de bicicletas e patinetes eléctricos, estacións de reparación e puntos de recarga, así como para a creación dun sistema de xestión destes vehículos eléctricos e a comunicación destas experiencias, promovendo as sinerxías entre os actores que as conforman así como fomentando a mellora da experiencia enogastronómica e a posta en valor dos produtos vitivinícola

Hai catro liñas de gasto subvencionables para cada proxecto:

• Liña 1: Estacións de reparación e puntos de carga e restauración paisaxística.
• Liña 2: Adquisición de vehículos eléctricos: bicicletas e patinetes eléctricos.
• Liña 3: Creación e implantación do sistema de xestión de vehículos eléctricos.
• Liña 4: Sinalética e información sobre experiencias creadas con vehículos eléctricos.

Podes consultar a orde que regula as axudas con máis detálle na seguinte ligazón.

Proceso de solicitude a través da sede electrónica da Xunta de Galicia introducindo o código do procedemento TU503K na barra de busca.  O prazo de solicitude é do 15 de febreiro de 2025 ao 16 de febreiro de 2026.