Feiras

Os asociados mantiveron ao redor de medio centenar de encontros profesionais, entre os propiciados polo Clúster e os das súas propias axendas

Conclúe a segunda misión comercial do Clúster Turismo de Galicia á World Travel Market de Londres cun bo número de encontros profesionais agendados e coa apertura de contacto con 20 turoperadores británicos interesados na oferta turística galega. En total desde o Clúster Turismo de Galicia hase agendado 24 encontros profesionais cos asociados que conformaron a misión comercial – trinta e total de diferentes ámbitos do sector-, que mantiveron así unha activa axenda de networking. A estes encontros hai que engadir, ademais, os realizados pola súa conta por cada un dos profesionais que acudiron a esta feira de turismo internacional, a máis importante para o sector.

Tratándose dun mercado maduro como o británico, cun alto coñecemento da rexión e a súa potencialidade como destino turístico, moitos dos turoperadores que mantiveron encontros de traballo co sector galego fano buscando produto turístico especializado e de calidade, vinculado a diferentes nichos de mercado, entre os que destacaron especialmente o turismo activo e de aventura ? buscando establecer lazos co turismo enogastronómico-, o turismo de luxo e o cultural, ademais de que hai interese en descubrir novas rutas ou novas experiencias vinculadas ao Camiño de Santiago, máis aló da tradicional ruta a pé ou en bicicleta.

Entre as novidades tamén destacou a demanda de turoperadores de actividades vinculadas á observación da natureza, co obxectivo de desenvolver tours en Galicia vinculados, por exemplo, á ornitoloxía.

Traballo con continuidade
Ademais, seguiuse traballando os vínculos abertos na edición pasada, co obxectivo de continuar afianzando o traballo iniciado na edición pasada da WTM. “Este tipo de encontros profesionais permítennos coñecer mellor as demandas dun mercado de tanto interese para nós como é o mercado británico, o segundo en peso en viaxeiros internacionais, despois de Portugal” explicou o presidente do Clúster do Turismo de Galicia, Francisco González, que destacou a importancia de xerar encontros que deben seguir traballándose a medio e longo prazo.