- El mejor turismo de galicia
Feiras
O turismo galego estará presente na Feira Internacional de Turismo Reyno de Navarra, que se celebra en Pamplona do 25 ao 27 de febreiro.
Dúas semanas faltan para o arranque da próxima cita de referencia no calendario de certames turísticos. Os representantes do sector daranse cita do 25 ao 27 de febreiro en Pamplona para participar na próxima edición, a décimo sexta, de Navartur, a Feira Internacional de Turismo Reyno de Navarra. Galicia acudirá a esta feira cunha representación encabezada pola Axencia Turismo de Galicia e da que formarán parte diversas empresas.
O turismo de proximidade coa natureza, a cultura, a gastronomía e a sustentabilidade como grandes atractivos e a seguridade como un aliciente engadido son a base dun certame que, segundo explican os seus organizadores, está pensado para descubrir os paraísos próximos e contribuír a que o 2022 se converta no ano de consolidación do turismo de interior: “Navartur pon o acento nos destinos nacionais e na media distancia, destinos europeos, porque os desprazamentos de longo radio seguen aínda moi limitados, especialmente cara a Asia. E no mercado nacional os destinos punteiros volverán ser os do norte, a chamada España Verde, e os de interior, sen esquecernos das costas e illas, que este ano vivirán un repunte importante de viaxeiros”, sinalan os seus responsables.
Unha das principais citas do programa de actividades que se desenvolverá no Palacio de Congresos Baluarte é o encontro B2B Navartur Meetings que reunirá durante a xornada inaugural do 25 de febreiro a público profesional, axencias de viaxes especializadas e expositores do sector do turismo enogastronómico. A participación neste encontro é gratuíta e xa está aberta a través da ligazón https://www.navartur.es/b2b-navartur-meetings.
Navartur está dirixida a oficinas de turismo nacionais e internacionais e entes de promoción turística en destino, axencias de viaxes, operadores turísticos, empresas de transporte, hospedaxe, cámping e caravaning, turismo rural, turismo de aventura, turismo gastronómico e enoturismo.
