O sector turístico poderá optar nas próximas semanas a novas subvencións por importe de case 16 millóns de euros

 

A elaboración de novos produtos sustentables para reforzar a imaxe de Galicia como destino turístico seguro é o obxectivo do convenio entre a Xunta e o Clúster Turismo de Galicia aprobado polo Goberno galego na súa última reunión. O acordo, dotado cunha achega autonómica de 700.000 euros, permitirá deseñar produtos turísticos enfocados ás novas demandas dos consumidores, que teñan en conta a sustentabilidade ambiental e enerxética, e que incorporen elementos de consumo de proximidade.

 

Estes novos produtos darán apoio ao sector receptivo e ás axencias de viaxes a través de paquetes especializados e atenderán tamén a cuestións relacionadas coa dixitalización e a mellora do proceso de comercialización, tanto en canto á canle como no relativo ao cliente final. Para iso contactarase con empresas do sector turístico representativas de distintos ámbitos así como con diferentes sectores sociais a través de accións online e offline. Tamén está prevista a creación dun club de produto sostible, a elaboración de materiais promocionais para as axencias e o cliente final, e a realización de accións de mercadotecnia para dar a coñecer os novos produtos deseñados.

 

O convenio entre a Xunta e o Clúster estará vixente ata decembro do próximo ano cun investimento de 200.000 euros para o presente exercicio e de 500.000 para o 2022.

 

Ademais, a Xunta ten previsto convocar ao longo deste mes distintas liñas de apoio ao sector turístico por un importe total de case 16 millóns de euros que beneficiarán tanto a axencias de viaxes como a establecementos hostaleiros e municipios de menos de 10.000 habitantes. Ás axencias de viaxes está dirixida unha convocatoria de axudas de ata 350.000 euros para o mantemento dos establecementos, mentres que os negocios hostaleiros poderán repartirse ata 6 millóns de euros en subvencións para equipamentos  postcovid (domótica, automatización, rotulación, sistemas de desinfección…) e outra cantidade similar para a dixitalización e mercadotecnia dixital (aplicacións informáticas, captación de clientes, desenvolvemento web…).

10 de Setembro de 2021

A Xunta e o Clúster colaborarán para promocionar Galicia como destino seguro a través de novos produtos sustentables

O sector turístico poderá optar nas próximas semanas a novas subvencións por importe de case 16 millóns de euros   A elaboración de novos produtos sustentables […]
28 de Setembro de 2020

A Asociación Galega de Axencias de Viaxes intégrase na CEAV

A Asociación Galega de Axencias de Viaxes (AGAVI), acaba de incorporarse como novo membro de pleno dereito á Confederación Española de Axencias de Viaxes (CEAV). Así […]
02 de Setembro de 2020

Sanidade establece medidas restritivas que afectan á hostalaría en Ourense, Santiago, Santa Comba, Carballo e A Laracha

La Consellería de Sanidade ha decidido establecer medidas y restricciones en los ayuntamientos de Ourense, Santiago, Santa Comba, Carballo y A Laracha, medidas que suponen la limitación de los aforos al 50% en los establecimientos comerciales, de restauración y hostelería -donde además estará prohibido el consumo en barra-, la limitación del número máximo de personas en las reuniones tanto privadas como en la vía pública fijado en un máximo de 10 personas; así como la reducción de los aforos en celebraciones, velatorios y lugares de culto, además del cierre de los centros de día y residencias, sin olvidar la reducción de aforos en bibliotecas, academias, autoescuelas y centros privados de enseñanza no reglada entre otros. Dichas medidas, que entrarán en vigor a las 0 horas del jueves serán revisadas dentro de una semana.
27 de Agosto de 2020

Os usuarios de weekendesk valora cun 7,9 a adaptación dos aloxamentos galegos ás medidas sanitarias antiCOVID19

O noso territorio sitúase como o sexto posto no ranking de valoración, por detrás de Asturias, Cantabria ou Castela A Mancha Os viaxeiros enquisados polo portal […]