A aula Gastronómica da Praza de Abastos de Santiago de Compostela acolleu esta mañá a presentación oficial da marca Enoturismo Galicia que o Clúster Turismo de Galicia impulsou coa colaboración das rutas do viño de Ribeiro, Rías Baixas, Ribeira Sacra e Monterrei para a creación dunha “marca paraugas” que permita mellorar a promoción e a comercialización do enoturismo do noso territorio.

Tal e como expresou o secretario do Clúster Turismo de Galicia, Cesáreo Pardal, “Enoturismo Galicia nace co obxecto de adoptar unha estratexia común por parte das Rutas do Viño que permitan dar a coñecer o patrimonio vitivinícola do territorio, promocionando de forma conxunta o enoturismo e a enogastronomía”, posto que, á fin e ao cabo, a enogastronomía é a segunda motivación máis importante dos turistas que visitan Galicia.

Os representantes do catro rutas do viño queparticipan da iniciativa, Concepción Igrexas Pousa, vicepresidenta do Consello Regulador do D.O. por parte do Ribeiro, José Manuel Rodríguez González, presidente da Ruta do Viño de Ribeira Sacra, o director técnico do Consello regulador de Monterrei, Luís Miguel López Núñez e o presidente da Ruta do Viño de Rías Baixas, Juan Gil Araujo, tamén participaron no acto de presentación, comentando as singularidades de cada unha delas e a importancia de traballar de maneira conxunta na promoción. Carmen Pita, da Axencia de Turismo de Galicia, foi a encargada de pechar o acto encomiando o traballo en equipo dos sectores implicados no turismo e do turismo enológico na nosa comunidade.

Showcooking e concurso
Trala presentación da marca, os medios de comunicación asistentes ao acto puideron gozar dunha cata- maridaxe dos viños do catro rutas do viño a cargo do premiado enólogo Nacho Costoya e dun showcooking con tapas elaboradas, para cada un dos viños, polos recoñecidos chefs Kike Piñeiro e Eloy Cancela da Horta do Obradoiro.
Ademais, os medios e bloggers enológicos e gastronómicos alí presentes participaron nun concurso no que o agraciado foi premiado cun paquete Outono Gastronómico consistente nun menú, aloxamento e almorzo para dúas persoas e moitos outros agasallos. Premios que tamén poderán gañar desde hoxe e até o 30 de outubro quen suban unha foto de experiencias gozado dalgún viño destas rutas a RRSS (Twitter, Facebook e Instagram) cos hasgstag #sorprendeatussentidos #enoturismogalicia.

18 de Outubro de 2016

Enoturismo Galicia, a nova marca paraugas para as rutas do viño de Galicia

A aula Gastronómica da Praza de Abastos de Santiago de Compostela acolleu esta mañá a presentación oficial da marca Enoturismo Galicia que o Clúster Turismo de […]
29 de Agosto de 2016

A central de reservas de Galicia Turismo Rural estrea nova imaxe

Galicia Turismo Rural, a central de reservas xestionada por FEGATUR e Agatur coa colaboración do Clúster Turismo de Galicia e Axencia Turismo de Galicia estrea nova […]
23 de Agosto de 2016

Galicia alcanzou nos seus establecementos hostaleiros a cifra de 590.000 viaxeiros en xullo, un 5,1% máis que en 2015

Segundo recollen as estatísticas do INE a ocupación media na comunidade por prazas hoteleiras superou o 50% Segundo os datos feitos públicos polo INE no seu […]
14 de Xullo de 2016

O sector turístico galego incrementou os seus ingresos un 5% no segundo trimestre do ano

O último informe de Exceltur de Perspectivas Turísticas recolle tamén un incremento do 3% do emprego na nosa comunidade Segundo recolle o último informe emitido por […]