Formacion

Entre o 20 e o 22 de xuño Ferrol acolleu a segunda edición do Foro de Turismo e Mercadotecnia ForturMark, co obxectivo de profundar no uso da mercadotecnia aplicada ao turismo. O foro é froito Plan de Competitividade Turística 2015 asinado entre a Deputación da Coruña e o Concello de Ferrol.

Dirixido a profesionais e empresarios do sector turístico e do comercio de Ferrol e comarcas, así como a asociacións empresariais da zona, a participación foi gratuíta previa inscrición vía email en turismo@ferrol.es, indicando os seus datos persoais e da empresa así como a quenda solicitada entre as 10.00 e as 14.00 horas. O obxectivo é mostrar as innovacións e boas prácticas de mercadotecnia e comunicación que xa desenvolven as empresas de envergadura e trasladalas aos empresarios locais co fin de que os participantes adquiran habilidades relacionadas coas novas tecnoloxías e aplíquenas aos seus negocios.

O foro, que se celebrou no Parador de Ferrol, inclúe entre os seus participantes ao experto en markenting turístico Isaac Vidal, que será o encargado de inaugurar o foro, introducindo aos asistentes no concepto de “inboud marketing”, con fórmular para atraer e conseguir a fidelidade do cliente online. Gersón Beltrán, pola súa banda, impartiu o curso “O teu negocio social, local e  móbil” mentres que o xornalista ferrolán Luís Fraga foi o encargado de pór punto final a Fortumark 2016 co seu relatorio sobre “Media training”, unha sesión teórica e práctica para penetrarse no mundo dos medios de comunicación.