Xornadas

• A xornada, que tivo lugar o pasado 19 de novembro, revelou información relevante para a toma de decisión dos establecementos de aloxamento de Galicia.

O Clúster Turismo de Galicia celebrou a semana pasada unha xornada divulgativa con información de gran relevancia para a toma de decisión de todos aqueles establecementos de aloxamento de Galicia, dirixida a propietarios e directivos destas empresas.

O presidente do Clúster, Cesáreo Pardal, interveu na inauguración do encontro, resaltando a importancia da formación e da actualización constante de coñecementos e de dereitos para o sector, coma un dos obxectivos clave da entidade.

A primeira parte centrouse na Resolución “Booking”. A Comisión Galega da Competencia abordou os principais aspectos para unha libre competencia no sector turístico galego, afondando no expediente que a CNMC considerou acreditada a comisión de dúas infraccións únicas e continuadas do artigo 2 da LDC e 102 do TFUE por parte de Booking.com, consistentes nun abuso da posición do dominio de tipo explotativo, e outro abuso de posición de dominio de tipo exclusionario.

Na segunda parte, o Clúster presentou o Sistema de monitorización e análise de datos de establecementos aloxativos (SIMADA), un sistema que permite comparar os datos de ocupación con respecto ao destino ou a empresas similares no destino, os prezos, a evolución, etc.

A xornada, que foi retransmitida vía streaming, pódese revisionar a través da seguinte ligazón.