Galicia

Melloran os datos de rendibilidade do sector hoteleiro galego no mes de abril, cunha taxa de variación anual do Índice de Prezos Hoteleiros dun +7,4%. Do mesmo xeito a facturación media dos hoteis por cada habitación ocupada (ADR) é de 55,2 euros en abril, o que supón un aumento do 11,1% respecto ao mesmo mes de 2016, un incremento igual ao que experimenta o conxunto do Estado.
Pola súa banda, o ingreso medio diario por habitación dispoñible (RevPAR), que está condicionado pola ocupación rexistrada nos establecementos hoteleiros, alcanza os 22 euros, cun incremento do 41,5%, practicamente o dobre que a media estatal pero aínda moi lonxe das cifras que marca o RevPAR nacional, situado para este mes de abril en 53? por habituación dispoñible. No capítulo de ocupación, con todo, Galicia volveu marcar baixas ocupacións en abril, cun 36% das súas prazas hoteleiras ocupadas aínda que segue ocupando o sexto lugar en distribución de pasas a noite dos españois durante este mes, por diante de comunidades autónomas como Asturias, País Vasco ou Baleares. Andalucía, Cataluña, Comunitat Valenciana e Comunidade de Madrid son os destinos principais dos viaxeiros residentes en España en abril, con taxas anuais de variación no número de pernoctaciones do 25,7%, 37,9%, 30,9% e 19,4%, respectivamente mentres que o principal destino elixido polos viaxeiros non residentes é Canarias, cun 30,8% do total de pernoctaciones. Nesta comunidade as pernoctaciones de estranxeiros soben un 8,5% respecto de abril de 2016. Os seguintes destinos do non residentes son Cataluña (co 18,4% do total de pernoctaciones e un crecemento do 16,4%) e Andalucía (co 15,8% do total e un aumento do 11,4%).