Actividades Destacadas

  • 26 empresas galegas, xunto a Turismo de Galicia, Galicia Destino Sostible e Turismo de Sanxenxo, participaron no evento.

 

O Clúster Turismo de Galicia reuniu a semana pasada a 26 empresas galegas, representantes institucionais e operadores turísticos en dous encontros profesionais organizados en Valencia e Oporto, co obxectivo de fortalecer a proxección do destino Galicia en mercados emisores clave.

 

Os encontros, celebrados no edificio Ver e Vents de Valencia e no espazo WOW do Porto, serviron como plataforma para achegar a diversidade e calidade do turismo galego a máis de 160 axentes turísticos locais: 67 valencianos e 95 portugueses.

 

Nos dous workshops participaron 26 entidades turísticas galegas, xunto con representantes de Turismo de Galicia, Galicia Destino Sostible e Turismo de Sanxenxo, que presentaron o destino Galicia como unha proposta diferenciada, sostible e de alto valor engadido.

 

O presidente do Clúster, Cesáreo Pardal, encabezou as presentacións institucionais nos dous eventos, nos que tamén interviu Carmen Pita, directora de Promoción de Turismo de Galicia, e – na cita valenciana – Miguel Jiménez, presidente de AEVAV. Pola parte do Clúster, tamén se sumaron á delegación Jesús Picallo, vicepresidente do Clúster; Alfonso Martínez, tesoureiro; e Francisco González, expresidente do Clúster.

 

Os encontros incluíron presentacións do destino Galicia e unha degustación de produtos gastronómicos típicos, da man do xefe de cociña Álvaro Fuentes, de Meloxeira Praia. A experiencia viuse reforzada pola presenza de cinco adegas galegas —Mar de Frades, Paco & Lola, Martín Códax, Terras Gauda e Vionta— que ofreceron os seus viños para maridar os eventos, poñendo en valor o potencial do enoturismo galego.

 

Ao peche de cada xornada celebrouse un sorteo de experiencias turísticas, achegadas polas entidades galegas participantes, co obxectivo de fomentar o coñecemento directo de Galicia entre os operadores locais.

 

Con esta acción, o Clúster Turismo de Galicia continúa a reforzar a súa estratexia de promoción e comercialización baseada na sustentabilidade, a calidade e a autenticidade do destino a través de encontros e talleres de traballo entre profesionais do sector.

 

Empresas participantes

 

Alda Hotels, Bodega Mar de Frades, Bodega Paco&Lola, Bodegas Martín Códax, Bodegas Terras Gauda, Bodegas Vionta, Circuitos Galicia Viajes, CNTravel, Gran Hotel Los Abetos, Gran Talaso Hotel Sanxenxo, Hotel Attica21 Vigo, Hotel Carlos I Silgar, Hotel Ciudad de Vigo, Hotel Axis Vigo, Hotel Rural Entre Os Ríos, Hotel San Luis, Hotel Villa Covelo, Minor Hotels, Oca Hotels, Pazo Los Escudos Hotel & Spa Resort, Piragüilla Ocio y Aventura, Rutas Meigas, Santiago Your Way, Torres de Moreda, Viajes Interrías, Viandotreks e Zenit Hoteles.

 

27 de Maio de 2025

Más de 160 axentes turísticos coñecen de primeira man a oferta galega nos workshops do Clúster Turismo de Galicia en Valencia e Oporto

26 empresas galegas, xunto a Turismo de Galicia, Galicia Destino Sostible e Turismo de Sanxenxo, participaron no evento.   O Clúster Turismo de Galicia reuniu a […]
27 de Maio de 2025

Clúster e ME Renewing organizan o webinar “Recarga para vehículos eléctricos. Unha oportunidade para o turismo galego”

A sesión en liña será o martes 3 de xuño ás 16:30 h e está aberta a todas as empresas turísticas interesadas en sumarse a esta […]
27 de Maio de 2025

O Clúster Turismo de Galicia reforza a súa colaboración con Medio Rural e Turismo de Galicia para impulsar a calidade alimentaria

A reunión contou coa participación da conselleira do Medio Rural, os directores de AGACAL e Turismo de Galicia, e membros do Clúster encabezados polo seu presidente, […]
21 de Maio de 2025

Clúster e eco-union colaboran na organización dun webinar para presentar unha ferramenta pioneira de autodiagnóstico climático para empresas do sector

A sesión celebrarase o 26 de maio, co título “Turismo + Resiliente: Presentación da plataforma de autodiagnósticos”.   O Clúster Turismo de Galicia reforza o seu […]