Actividades Destacadas

  • Trátase dun evento exclusivo para todas aquelas empresas que forman parte da marca turística ‘Galicia Destino Sostible’.
  • Un espazo para compartir, aprender e avanzar cara a un modelo turístico máis sostible.

 

O Clúster Turismo de Galicia, en colaboración coa Xunta de Galicia – Axencia Turismo de Galicia, organiza o vindeiro mércores 14 de maio unha nova edición do encontro anual do Club de Produto ‘Galicia Destino Sostible’, unha xornada dirixida ás empresas adheridas á marca e que require de inscrición previa. O evento celebrarase en Bodegas Martín Códax (Cambados) e reunirá aos axentes do sector para reflexionar colectivamente sobre o presente e o futuro do turismo sostible en Galicia.

Baixo o lema “O valor de avanzar en común”, esta xornada poñerá o foco en compartir camiños cara á sostibilidade e na posta en común de retos e boas prácticas no sector. O programa comezará ás 9:30 h coa recepción de asistentes e continuará coa proxección do novo vídeo promocional de Galicia Destino Sostible, seguida dunha presentación do balance de actividades de 2024 e a folla de ruta para 2025.

 

Un dos momentos destacados será a entrega dos kits de comunicación ás novas empresas adheridas, nun acto de recoñecemento e benvida. A continuación, celebraranse unhas mesas participativas nas que as persoas asistentes poderán intercambiar experiencias, identificar retos comúns e dialogar sobre solucións prácticas no camiño cara a un turismo cada vez máis responsable e respectuoso coa contorna.

 

A xornada finalizará cunha cata, maridaxe e espazo de networking libre, unha oportunidade para seguir fortalecendo vínculos entre as empresas do club.

 

Con esta nova cita, o Clúster Turismo de Galicia e a marca turística ‘Galicia Destino Sostible’ reafirman o seu compromiso coa sostibilidade turística, consolidándose como un referente a nivel autonómico e impulsando un modelo baseado na colaboración, a aprendizaxe e a mellora continua.

 

Adhesión a ‘Galicia Destino Sostible’

 

Para adherirse a ‘Galicia Destino Sostible’ as empresas teñen que cumprir ao menos un requisito habilitante ou ben o 100% dos obrigatorios e un 33% dos valorables. A adhesión pode solicitarse a través da web galiciadestinosostible.com. Unha vez que o comité asesor acepte a adhesión, a empresa xestionará as súas ofertas desde o portal e gozará das vantaxes de pertencer ao club de produto de xeito gratuíto.

 

05 de Maio de 2025

O valor de avanzar en común: o Clúster organiza unha nova edición do encontro anual do Club de Produto ‘Galicia Destino Sostible’

Trátase dun evento exclusivo para todas aquelas empresas que forman parte da marca turística ‘Galicia Destino Sostible’. Un espazo para compartir, aprender e avanzar cara a […]
29 de Abril de 2025

As empresas incorporadas ao SIMADA destacan a utilidade da ferramenta para a toma de decisións estratéxicas

Co SIMADA é posible monitorizar datos de apertura de establecementos, capacidade dispoñible, contratación, provisionamiento, fixación de prezos, datos de ocupación… e moito máis.   As empresas […]
31 de Marzo de 2025

Aberto o prazo para inscribirse nos workshops de Valencia e Oporto organizados polo Clúster Turismo de Galicia

Un máximo de 26 empresas poderá participar nas actividades que se desenvolverán os días 20 e 21 de maio. As inscricións están dispoñibles ata o 10 […]
31 de Marzo de 2025

O Club de Produto “Galicia Destino Sostible” suma cinco novas empresas

Troulanda, Malates Slow Boutique Hotel, Adegas Terras de Asorei, Náutica Medusa e Acastrexa son as últimas incorporacións da marca turística. O Club de Produto GDS suma […]