Cluster

Co obxectivo de dar a coñecer a oferta turística galega no mercado luso, o Clúster Turismo de Galicia celebrará o próximo 20 de novembro un novo workshop, o último do ano, dentro do seu programa de accións de promoción da oferta turística en áreas de proximidade. Baixo o mesmo slogan que presidiu as accións de Oviedo e Valladolid de leste mesmo ano, “Galicia, máis preto de ti”, o Clúster completa esta iniciativa con esta acción que se desenvolverá no Porto, orientada a captar turoperadores do norte de Portugal.

O evento, que terán lugar en Enoteca 17.56 de Vila Nova de Gaia, consistirá nun workshop con axentes de viaxes da zona, seguido dunha cea degustación a cargo do chef Pablo Galego. O workshop, que dará comezo ás 19:00 horas, contará cun máximo de 60 empresas galegas e seguirá un formato novo coa finalidade de premiar a aqueles participantes que máis contactos realicen, que entrarán no sorteo dun premio especial ao termo da velada. A continuación terá lugar céaa degustación, con volta a Galicia ao día seguinte e paradas na Coruña, Santiago, Pontevedra e Vigo.
As empresas galegas que queiran participar poden remitir un correo electrónico a secretariatecnica@clusterturismogalicia.com, indicando o seu nome, apelidos, empresa/entidade á que pertence e datos de contacto. O prazo máximo para realizar a inscrición será o día 6 de novembro ás 14:00 horas e a asignación de prazas realizarase por rigorosa orde de inscrición.