Cluster

Raúl García, ex Director de Promoción Turística do Concello de Madrid e director de Micetraining.com será un dos relatores da xornada do 17 de marzo

A inscrición á xornada está aberta e é gratuíta até completar aforo

Baixo o título “Retos e Oportunidades na Comercialización Turística no Segmento Mice”, o fundador e director de MICEtraining.com e Aprendedeturismo.org, a participación de Raúl García será un dos pratos fortes da xornada sobre comercialización do destino Galicia que terá lugar o 17 de marzo en Vigo no marco dos II Encontros Clúster Turismo de Galicia creados co obxectivo de profundar na modernización e a competitividade do sector turístico galego.
Entre outros aspectos, García profundará nos profundos cambios que viviu a mercadotecnia e a xestión de destinos turísticos na última década cunha orientación clara dos destinos turísticos a resultados. Nalgúns dos artigos publicados por Raúl García respecto diso, o fundador de Aprendedeturismo.org fai un repaso polos cambos demográficos, sociais e económicos que afectaron á forma en que viaxamos como polos avaces tecnolóxicos que transformaron o turismo nos últimos anos. Neste sentido, García asegura que “o éxito na xestión dos destinos antes baseábase unicamente en se aumentaban ou non o número de turistas que recibía o destino”, pero hoxe o destino turísticos debe medir tamén outros elementos como o gasto turístico, a tipoloxía dos turistas que recibe, a súa estancia media ou a estacionalidade. É por iso que, “os destinos teñen que ir un paso máis aló e analizar de forma constante o éxito do seu traballo. Para iso hai que medir o impacto e retorno do investimento (ROI) de cada campaña promocional”, asegura Raúl García.

Inversión en estruturas e novas tecnoloxías

O modelo de xestión, na que García aposta pola cooperación público-privada, ou as estratexias de promoción a 360º, apostando pola mercadotecnia experiencial así como o uso das redes sociais dentro dunha estratexia de posicionamento e o investimento no desenvolvemento de infraestruturas e tecnoloxías, que permitan ofrecer ao turista conexión a internet e información relevante son algúns dos aspectos nos que inciden as exposicións do que foi Director de Promoción Turística do Concello de Madrid e xestor no Madrid Convention Bureau. Precisamente no ámbito das novas tecnoloxías, destacamos o artigo que publicaba na súa web Aprendedeturismo.org na que recollía as 10 tendencias tecnolóxicas que están a transformar o turismo, de moi interesante lectura.