coronavirus

Poderán chamar ao 900 815 334 de luns a venres de 10 a 14h. e de 16h a 20h. ou enviar un correo electrónico a info-galiciadestinoseguro@xunta.gal

No marco da iniciativa Galicia, destino Seguro, a Xunta habilitou desde esta semana un teléfono gratuíto dirixido ao sector turístico galego para resolver as posibles dúbidas que poidan xurdirlles en materia de seguridade sanitaria. Así, as empresas e profesionais que o necesiten poderán chamar ao 900 815 334 de luns a venres, de 10h a 14h e de 16h a 20h. ou enviar un correo electrónico á dirección info-galiciadestinoseguro@xunta.gal.

Este teléfono gratuíto permitirá dar unha resposta áxil e precisa ás cuestións formuladas polas empresas e traballadores do sector en materia hixiénico-sanitaria. O servizo enmárcase no programa Galicia destino seguro para a mellora da formación, asesoramento e apoio económico ás empresas desta industria co obxectivo de favorecer a súa adaptación á nova realidade e impulsar Galicia como un destino fiable e de calidade.

Esta iniciativa forma parte do Plan de reactivación do sector turístico, que conta cunha dotación global de 27 millóns de euros e preto de medio centenar de medidas para minimizar o impacto da crise sanitaria e favorecer a súa reactivación.