Formacion

  • Inclúe formacións en sostibilidade, innovación, calidade, competencias dixitais e outras áreas de coñecemento.

 

A Secretaría de Estado de Turismo anunciou a posta en marcha da XXVI edición do programa ‘Anfitriónes’, unha iniciativa clave para o desenvolvemento da calidade no sector turístico. O 7 de abril comezaron as primeiras formacións dentro dun renovado modelo que reforza a súa aposta pola formación especializada e o crecemento profesional.

 

Baixo o novo nome “Anfitriones. Formación y Talento Turístico”, o programa actualízase en liña cos obxectivos marcados na Estratexia de Turismo Sostible de España 2030 e no marco do Plan de Recuperación, Transformación e Resiliencia. Entre as principais novidades, destaca a implantación dunha nova plataforma dixital, un campus virtual máis intuitivo e seguro, que permitirá aos usuarios acceder a un catálogo de contidos actualizado, con máis recursos formativos e novas funcionalidades orientadas a facilitar a experiencia de aprendizaxe e colaboración entre participantes.

 

Polo momento, o programa inclúe 10 formacións en sostibilidade, 7 en innovación, 1 en gobernanza, 1 en accesibilidade, 25 en competencias dixitais, 3 en competencias persoais, 18 en xestión das organizacións, 1 en destinos turísticos, 6 en clientes, con detalles por confirmar no referente ás centradas en calidade, e outras posibles actualizacións.

 

Esta nova edición está dirixida a un amplo espectro de profesionais vinculados ao turismo, tanto do ámbito público como privado: persoal de aloxamentos, restauración, axencias de viaxes, transporte, guías turísticos, empresas de turismo activo, organizadores de eventos e outros perfís relacionados coa atención ao visitante.

 

O obxectivo é reforzar a cualificación e as competencias do capital humano que sostén a experiencia turística, achegando ferramentas para unha atención máis eficiente, personalizada e adaptada aos novos retos do sector.

08 de Abril de 2025

O programa ‘Anfitriones’ abre a súa XXVI edición impulsando o talento turístico

Inclúe formacións en sostibilidade, innovación, calidade, competencias dixitais e outras áreas de coñecemento.   A Secretaría de Estado de Turismo anunciou a posta en marcha da […]
15 de Outubro de 2024

Turismo de Galicia promove un curso en liña sobre a creación de produtos experienciais e sostibles

A formación, de 1 hora de duración, está dispoñible ata o 31 de decembro de 2024. A formación continua é unha ferramenta clave para a innovación […]
10 de Setembro de 2024

Turismo de Galicia organiza unha formación para profesionais do sector que buscan potenciar o seu negocio con IA

‘IA Talks: Conversas sobre Intelixencia Artificial para o sector turístico en Galicia’ é a formación especializada para potenciar a transformación dixital das PEMES turísticas galegas. Desenvolverase […]
20 de Agosto de 2024

Turespaña organiza catro xornadas para potenciar o turismo en EE.UU., Brasil, Xapón e Reino Unido

Levaranse a cabo entre o 4 de setembro e o 23 de outubro. Turespaña anunciou a organización de catro xornadas informativas dirixidas a reforzar a oferta […]