Axudas

A Axencia de Modernización Tecnolóxica de Galicia (AMTEGA) informa da apertura da primeira convocatoria de axudas da Xunta de Galicia dirixidas a dotar de banda ancha o rural galego. Dirixidas a empresas e autónomos situados en lugares illados, o programa de subvencións enmárcase no Plan de Banda Longa 2020 que conta cunha dotación económica de 500.000 euros ampliables ata 1 millón de euros, en función da demanda.

Co obxectivo de dotar de internet de calidade ás empresas situados nestes puntos, a axuda ten unha subvención de ata o 100% de todos os custos de instalación, cun máximo de 20.000€ por beneficiario, exceptuando o IVE que non é subvencionable. O prazo está aberto ata o próximo 20 de abril e para acceder ao programa é necesario que os beneficiarios dispoñan dunha cobertura de internet de menos de 30 Mbps e manter o alta no servizo contratado inicialmente polo menos durante un ano. Para máis información sobre as axudas pode consultar esta ligazón ou porse en contacto coa Oficina de Banda Longa na dirección de correo electrónico oficina.bandalarga@xunta.es ou no teléfono 981 95 78 68, en horario de luns a venres  de 9:00 a 15:00h.