destacados

Celebrarase do 3 ao 5 de outubro en Barcelona e terá como tema central a gobernanza do turismo.

Relatorios, presentacións e mesas redondas conviven no programa de actos coas reunións de traballo.

Xa deu comezo a conta atrás para a segunda Convención Turespaña, o foro de debate que se celebrará durante os días 3, 4 e 5 de outubro no Centro de Convencións Internacional de Barcelona por iniciativa do Instituto de Turismo de España (Turespaña) xunto con Turismo de Barcelona e o Concello de Barcelona.

Serán tres xornadas que terán como fío condutor a cuestión da gobernanza do turismo e que se ocupará entre outras cuestións do desenvolvemento da competitividade e a procura da sustentabilidade. O encontro pretende servir de punto de encontro onde compartir experiencias e debater sobre a evolución e o futuro do sector. Ademais, a convención aspira a contribuír a reforzar a colaboración público-privada e é por iso que os profesionais do sector privado terán tamén cabida.

Máis dunha vintena de relatorios, mesas redondas e presentacións integran un dos dous bloques de actividades nos que foi dividido o programa desta segunda Convención Turespaña. O segundo bloque de actividades aglutina as distintas reunións de traballo que manterán os responsables da Secretaría de Estado de Turismo, Turespaña e os conselleiros de turismo de España no exterior cos responsables dos destinos e as empresas turísticas.

Ademais de dar a coñecer os datos máis relevantes dos principais mercados emisores, a convención permitirá coñecer un avance da planificación e as actividades previstas por Turespaña para o próximo exercicio.