Actividades Destacadas

• O evento acolleu a máis de 70 operadores turísticos de toda Europa

O Spain Tourism Summit 2024, celebrado entre o 20 e 23 de maio en Toledo e organizado por Turespaña, acolleu a máis de 70 operadores turísticos de toda Europa, representando un total de 20 países: Bélxica, Bulgaria, Dinamarca, Estonia, Finlandia, Francia, Alemaña, Grecia, Irlanda, Italia, Noruega, Países Baixos, Polonia, Portugal, Eslovaquia, Reino Unido, Romanía, Serbia, Suíza e Suecia.

Os axentes europeos que asistiron ao evento procedían de segmentos moi diversos: desde axencias especializadas en turismo vacacional interesadas en ampliar a súa oferta turística en España, ata entidades dedicadas ao turismo MICE e de incentivos, ao turismo escolar ou ao turismo deportivo.Durante as tres xornadas, puideron reunirse con 93 representantes de empresas e destinos españois.

Co obxectivo de achegar a completa oferta turística galega aos asistentes, o Clúster de Turismo estivo presente durante o evento, presentando os catálogos “Galicia Travel Agencies” e “Galicia, un luxo para os sentidos”. Tamén asistiron os representantes das empresas Galiwonders e Viaxes Interrías.

O obxectivo foi mostrar a diversidade e singularidade da oferta turística española nos mercados europeos. Deste xeito, Turespaña continúa traballando por contribuír á sustentabilidade económica, social e ambiental do turismo español.