formación

Os asistentes reciben de maneira participativa as ferramentas necesarias para ofrecer un servizo de calidade aos viaxeiros e peregrinos

A Consellería de Cultura e Turismo, a través de Axénciaa Turismo de Galicia, está desarrolando talleres formativos sobre as oportunidades empresariais na atención aos peregrinos en diferentes geodestinos e concellos vinculados co Camiño de Santiago coa intención de ofrecer as ferramentas necesarias para un servizo de calidade.

Portomarín e Fisterra xa acolleron estes talleres, que continuarán durante o primeiro trimestre de 2019 e nos que poderán participar todos os profesionais que de maneira directa e indirecta estean en contacto ou dean servizo a turistas e peregrinos. Inclúense tanto persoal de servizos hostaleiros como profesionais de servizos vinculados ao turismo, transporte, guías turísticos ou persoal de oficinas de información turística, entre outros.

Os asistentes ás xornadas de sensibilización e capacitación recibirán e abordarán de maneira participativa formación teórico-práctica sobre a prestación de servizos e as normas básicas de atención aos viaxeiros, boas prácticas na atención ao cliente, elementos que interveñen na experiencia turística, importancia da imaxe da contorna, do negocio e persoal ou sobre a xestión e tratamento de queixas e reclamacións.

Calendario continuará no primeiro trimestre
Con este taller formativo, a Consellería de Cultura e Turismo continúa profundando na calidade da atención aos viaxeiros que se achegan a Galicia. Os interesados en participar poderán enviar un correo electrónico a registro@dosespacios.com ou chamar ao teléfono 698 795 875. O calendario dos talleres continuará durante o primeiro trimestre de 2019 en diferentes concellos e geodestinos. As datas estarán dispoñibles na web www.turismo.gal.