turismo rural

Froito do convenio entre a Consellería de Cultura e Turismo e a Federación Galega de Turismo Rural (Fegatur) xa é posible realizar reservas directas en establecementos de turismo rural de Galicia a través de galiciaturismorural.es, que acaba de renovar a súa aparencia incorporando máis recursos e un motor de reserva coa oferta do turismo rural no noso territorio.

O renovado servizo comezou cos establecementos que dispoñen do motor de reservas de RuralGest e, de maneira paulatina, iranse incorporando os establecementos que o desexen e que estean incluídos no REAT da Xunta de Galicia baixo o código TR. (hospedarías rurais, pazos e outras edificacións singulares, casas rurais, aldeas de turismo rural). Así, esta primeira fase da implementación desta plataforma de comercio electrónico, os viaxeiros xa poden consultar a dispoñibilidade de máis de 175 aloxamentos de turismo rural que xa están cargados na plataforma, que xa tiñan habilitado o sistema de RuralGest.

Nunha segunda fase buscarase conseguir a incorporación de todos os establecementos que desexen integrar o motor de reserva para a súa comercialización a través desta plataforma que nace para dar resposta a unha aspiración longamente esperada polo sector, que logra por fin materializarse para integrar nun mesmo lugar toda a oferta deste tipo de aloxamentos turísticos en Galicia.

A aposta por esta plataforma responde tamén ao compromiso coa medida 25 do Plan de reactivación do sector turístico fronte aos efectos derivados da Covid-19 co que a Xunt de Galicia busca mellorar a competitividade e innovación para a potenciación de plataformas online de comercialización de experiencias turísticas. Neste marco, Fegatur propuxo a creación dunha plataforma de comercio electrónico do turismo rural galego para todos aqueles establecementos rexistrados que agora comeza a ver a luz.

Outono, o mellor momento para o turismo rural
Así, a información e a oferta turística dos geodestinos da nosa terra irase vinculando aos establecementos, achegando unha visión integradora do turismo rural e facendo del a alternativa ideal para o viaxeiro na conxuntura sanitaria actual por segura, personalizada, próxima ás contornas naturais e sen aglomeracións, algo tan demandado agora. Ademais, a plataforma busca ir ampliando a oferta de aloxamentos incluídos coa vista posta no outono, unha estación especialmente importante para este sector, que acolle nesas datas un gran número de viaxeiros atraídos polo enoturismo, a gastronomía e a natureza.

Todos aqueles establecementos de turismo rural interesados na iniciativa poden sumarse cubrindo o formulario que aparece no apartado para Profesionais de galiciaturismorural.é ou escribindo a info@galiciaturismorural.viajes ou no teléfono/whatsapp 631 179 252

23 de Xullo de 2020

Galiciaturismorural.es renova a web incorporando un motor de reserva para mostrar a oferta do turismo rural de Galicia

Froito do convenio entre a Consellería de Cultura e Turismo e a Federación Galega de Turismo Rural (Fegatur) xa é posible realizar reservas directas en establecementos […]
19 de Xuño de 2020

O turismo rural galego recibe 200 mil euros para promoción e mellora da súa comercialización

A través dun convenio asinado con FEGATUR crearase unha plataforma de reservas online, ademais de incentivar o consumo con bonos e impulsar a formación hixiénico sanitaria […]
17 de Xuño de 2020

Luz verde a 12 convenios co sector turístico galego que supoñen un investimento de 1,8 millóns de euros para a creación e adaptación de produtos e experiencias

Os convenios inscríbense dentro do programa Galicia, destino seguro, e asináronse con diferentes asociacións e entes representantes do sector turístico galego, entre os que se contan […]
11 de Xuño de 2020

Fegatur lanza Galicia Turismo Rural Seguro, unha campaña de formación para os aloxamentos rurais no proceso de reapertura

A Federación Galega de Turismo Rural (FEGATUR) en colaboración con asociacións de turismo rural de diferentes geodestinos e a través de Turismo de Galicia puxo en […]