O Camiño Portugués pola Costa a exame a través do proxecto Facendo Camiño de Proturga

Facendo Camiño, proxecto para sensibilizar, pór en valor e analizar o Camiño de Santiago analiza un tramo deste itinerario, no marco do programa “O teu Xacobeo”, da Xunta de Galicia

Profesionais procedentes de diferentes ámbitos do sector turístico participan esta semana nunha iniciativa de Proturga para analizar e pór en valor os diferentes itinerarios do Camiño de Santiago, Facedo Camiño. No marco do seu proxecto “O Teu Xacobeo”, Proturga vén desenvolvendo desde o pasado mes de novembro diferentes xornadas con profesionais do sector que sirvan como viaxes de familiarización para achegar coñecemento e mellorar as capacidades destes profesionais como futuros prescriptores do Camiño de Santiago.

Tras as xornadas celebradas en torno ao Camiño Inglés e Portugués, este mes de xaneiro é a quenda para o Camiño Portugués pola Costa, que se desenvolve o 16 de xaneiro a través dun programa que comezará en Baiona con visita ao centro histórico e á Casa da Navegación para posteriormente trasladarse á veciña Oia e gozar do seu mosteiro. Xa pola tarde realizarase o traslado á localidade portuguesa de Caminha, tomando o transbordador até A Guarda para camiñar despois seguindo os ritmos do mar.

O obxectivo é poder ver a riqueza e variedade da zona como oferta turística complemetaria para o camiñante e poder estudar un camiño que experimentou un meteórico incremento de peregrinos nos últimos anos. Para finalizar a xornada, os profesionais do turismo participantes, chegados desde diferentes ámbitos (aloxamento, restauración, axencias de viaxe, guías de turismo, técnicos de turismo, persoal de oficinas de turismo e consultores, entre outros) porán en común apreciacións, destacando os puntos fortes e tamén aqueles aspectos a mellorar.

Até maio seguiranse realizando estas viaxes de familiarización en 10 tramos das 10 rutas que compoñen o Camiño de Santiago. Nestas viaxes participarán profesionais do turismo de Galicia que coñecerán in situ o produto estrela da comunidade e analizarán o estado do trazado e dos recursos e servizos en cada unha das rutas no marco do programa O Teu Xacobeo, financiado pola Xunta de Galicia.

ACTUALIDADE
22-7-2021

A Xunta, o Clúster e as Universidades presentan o Plan Director 2021-2023 para o turismo en Galicia A Xunta, o Clúster e as Universidades presentan o Plan Director 2021-2023 para o turismo en Galicia

16-7-2021

Prego de condicións que rexerán a contratación dun servizo de "DESENVOLVEMENTO E CONSOLIDACIÓN DA MARCA GALICIA EMOTION PARA A PROMOCIÓN DE PRODUTO TURÍSTICO", coa colaboración da Xunta de Galicia-Axencia de Turismo de Galicia

15-6-2021

Convocatoria de Asemblea Xeral Ordinaria e Extraordinaria Clúster de Turismo de Galicia

15-6-2021

Prego de condicións que rexerán a contratación dun servizo de "MELLORA DOS MECANISMOS DE COMERCIALIZACIÓN, ACTUACIÓNS DE PROMOCIÓN ONLINE E PROMOCIÓN NA CANLE DE VENDA PRESENCIAL PARA GALICIA TURISMO ACTIVO", coa colaboración da Xunta de Galicia-Axencia de Turismo de Galicia