Axudas

• As axudas cobren o 100% do aloxamento na residencia do CSHG durante a formación.
• Os requisitos para poder matricularse son ter experiencia de 6 meses nun negocio hostaleiro e superar unha entrevista persoal a distancia ou presencial.

O Centro Superior de Hostalería de Galicia, referente na formación en Dirección Hostaleira, Cociña e Gastronomía e Galicia e a nivel internacional, dispón de catro axudas que cobren o 100% do aloxamento na residencia do CSHG para aquelas persoas que queiran estudar a nova titulación de 1 ano de duración: Curso Superior de Chef en Cociña e Pastelería. Cabe destacar que, adicionalmente, existen bolsas por renda e por nota que cobren ata o 80% do importe da matrícula.

Este Curso superior conta con 24 prazas, 11 bolsas propias, 1.000 horas de formación co 80% de clases prácticas, 3 meses de prácticas en restaurantes de primeiro nivel, 17 masterclass de Estrelas Michelin e referentes en tendencias gastronómicas e 7 visitas a empresas e actividades co sector produtor. O Curso proporciona a formación necesaria para converterse nun cociñeiro profesional coas habilidades e coñecementos imprescindibles no mundo dos restaurantes e da gastronomía. Ademais, a formación finaliza cun proxecto fin de titulación organizado en grupos pequenos que, formando equipo, xestionarán durante unha semana o restaurante á carta.

Os requisitos para poder matricularse son ter experiencia polo menos de 6 meses nun negocio hostaleiro e superar unha entrevista persoal a distancia ou presencial. A matrícula permanece aberta ata o mes de setembro. No caso de estar interesado en beneficiarse nestas axudas, podes enviar un correo electrónico a secretariatecnica@clusterturismogalicia.com, manifestando o teu interese e indicando os teus datos persoais (nome completo, teléfono e mail de contacto). As solicitudes serán atendidas por rigorosa orde de chegada. No caso de recibir máis solicitudes que prazas dispoñibles, estas poñeranse en reserva, debido a que é o CSHG o que realiza a selección dos candidatos.

Para máis información, podes consultar na seguinte ligazón o folleto informativo. Para calquera pregunta ou para matricularte podes contactar por correo a info@cshg.es ou por teléfono no + 981 542 593 / + 34 981 242 559 ou por WhatsApp no +34 689 191 007.