Campañas

A campaña Presume de Galicia, posta en marcha a mediados de agosto polo Clúster de Turismo de Galicia, alcanza un cociente de participación de máis de cen mil persoas en dous meses. Os seus impulsores cualifican os resultados deste primeiros sesenta días como un éxito, con preto de mil fotos de experiencias recompiladas en www.presumedegalicia.com. As redes sociais son o escenario principal desta iniciativa, na que galegos e namorados desta terra soben fotos á web da comunidade e interactúan para lograr un premio mensual.
Facebook é o principal medio social do proxecto, no que cada día se mostran as fotos que os “presumidores” comparten con orgullo, dando a coñecer os seus recunchos favoritos da rexión. Máis de cincuenta mil persoas comparten a súa paixón por Galicia nesta rede, destacando as instantáneas de praias, atardeceres, cataratas, pozas e ríos, que son as máis recorrentes. A comunidade en Facebook, que comezou a funcionar o ano pasado nunha primeira fase da campaña, viuse incrementada nestes dous últimos meses en 20.000 novos fans que comparten os seus recunchos e o seu orgullo por esta terra.
“Os altos datos de participación demostran que a mensaxe gustou nos medios sociais xa que todas as comunidades de Presume de Galicia creadas nestas plataformas sociais han cultivado moi bos resultados”, explica o presidente do Clúster Turismo de Galicia, Francisco González, que destacou tamén que a web conta xa con preto de 500 usuarios e a base fotográfica conta xa con 1.082 fotos, que xa recibiron máis de cincuenta mil visitas en dous meses.

Até final de ano
A comunidade en esencia está composta por persoas que queren coñecer, a través de imaxes, recunchos especiais que propoñen outros usuarios. As redes sociais fomentan tamén o sentimento de paixón por Galicia, que é o denominador común de todos os participantes, residan ou non na rexión. Desde o Clúster de Turismo de Galicia recalcan este punto, que sempre foi un dos obxectivos da campaña: conseguir miles de embaixadores que recomenden diferentes puntos turísticos.
A campaña, que estará en marcha até finais de ano, inclúe tamén premios aos “presumidores” da comunidade. Cada mes entrégase un premio ao usuario que recibe máis aplausos (puntos) na web, polo que xa se entregaron dous premios mensuais e até decembro os participantes poderán concursar pedindo aos seus contactos que “aplaudan” as súas imaxes e levar escapadas especiais en diferentes puntos de Galicia.
A finais de ano o usuario que lograse máis aplausos recibirá como premio unha cámara Go Pro. A evolución dos votos pódese ver na sección “Fotos máis votadas” da web da comunidade, onde os rankings diarios, semanais, mensual e anuais fomentan a competitividade e por tanto, a viralidad da campaña.