editor-web

Máis de 6.600 persoas fixeron algún tipo de consulta no stand conxunto de Turismo de Galicia e Portos de Galicia no salón náutico Grand Pavois que se celebrou ata o luns na localidade francesa de La Rochelle. Trátase dun dos eventos máis grandes no panorama náutico internacional no que participaron máis de 800 expositores internacionais que recibiron a visita de máis de 200 periodistas franceses e prensa internacional.

Esta era a terceira ocasión na que o sector náutico galego participaba con stand propio nesta feira, de gran popularidade por levar xa en funcionamento desde hai 42 anos. O obxecto da presenza corporativa galega foi difundir as instalacións náutico deportivas-recreativas, servizos, produtos e recursos do Turismo Náutico galego, obxectivo no que tamén colaboraron coa súa presenza Jose Manuel Teijido, presidente de Marinas de Galicia e un representante de Asnauga. O feito de que Galicia sexa dos poucos destinos turísticos estranxeiros na feira participou por e cun stand de deseño atractivo, atraeu a atención dos visitantes que se achegaron aos mostradores amosando unha grande curiosidade e interese pola nosa Comunidade. De feito, moitos das persoas que visitaron a feira o ano pasado e que volveron a visitarnos nesta edición, comentaron ter a Galicia nese transcurso de tempo por descubrir a nosa Comunidade neste Salón.

O perfil do visitante correspondía a persoas francesas dun nivel medio-alto, na súa maioría propietarios de embarcacións de recreo da Costa Atlántica , que visitaban a feira de forma individual, en parella ou en familia. Un 40% dos visitantes xa tiña estado en Galicia nalgunha ocasión, amosando o seu interese por volver, un 40% tiña moitas referencias manifestando a súa intención de visitarnos a medio prazo, o 20% restante descoñecía totalmente a nosa Comunidade, incluso sen nocións da súa situación xeográfica, sentíndose fortemente atraído polos recursos e produtos expostos no stand.