destacados

  • Os establecementos que se adhiran poderán optar a un bono climático.

 

O Clúster Turismo de Galicia reforza o seu compromiso coa sostibilidade a través dunha colaboración con Hostelería #PorElClima, un proxecto que axuda a bares, restaurantes e locais de lecer a reducir as súas emisións e mellorar a súa eficiencia enerxética. A adhesión é completamente gratuíta e, ademais, os establecementos que se sumen poderán acceder a un bono climático.

 

Para formar parte de Hostalería #PorElClima, os negocios hostaleiros só teñen que completar un autodiagnóstico en liña, tras o cal recibirán recomendacións personalizadas para optimizar o seu consumo enerxético e reducir os seus custos operativos.

 

Desde 2017, este programa axudou a máis de 14.000 establecementos a diminuír a súa pegada de carbono, achegando ferramentas prácticas e información clave. Esta iniciativa conta co respaldo de Comunidade #PorElClima, a colaboración estratéxica de Coca-Cola e o apoio de Hostalería de España.

 

Como incentivo adicional, todos os negocios que se adhiran a Hostalería #PorElClima a través do Clúster Turismo de Galicia poderán acceder a un bono climático valorado en 1.000 €, que poderán destinar á implementación de medidas de eficiencia enerxética no seu establecemento.

 

Esta acción reforza a aposta do Clúster por un turismo responsable e comprometido co medio ambiente, ofrecendo aos hostaleiros ferramentas concretas para mellorar a súa sostibilidade e rendibilidade.

 

Para sumarse á iniciativa e optar ao bono climático, basta con completar o autodiagnóstico en liña e comezar a actuar #PorElClima.

 

25 de Febreiro de 2025

O Clúster impulsa a sostibilidade na hostalería colaborando con Hostalería #PorElClima

Os establecementos que se adhiran poderán optar a un bono climático.   O Clúster Turismo de Galicia reforza o seu compromiso coa sostibilidade a través dunha […]
18 de Febreiro de 2025

Galicia e o norte de Portugal reforzan a súa cooperación turística con mesas de traballo transfronteirizas

Terán lugar o 26 de febreiro en Portugal e o 27 de febreiro en Galicia.   Os próximos 26 e 27 de febreiro celebraranse mesas de […]
11 de Febreiro de 2025

Medra o interese do sector turístico galego pola mobilidade eléctrica: máis de 40 empresas xa solicitaron propostas para a instalación de puntos de recarga

O acordo entre Clúster e ME Renewing facilita ás empresas do sector a instalación de puntos de recarga enerxética. O acordo entre o Clúster de Turismo […]
04 de Febreiro de 2025

O Clúster Turismo de Galicia e ECO-ONE colaboran para facilitar aos hoteis galegos a compravenda de mobiliario

Grazas ao acordo entre as entidades, os establecementos de aloxamento poderán vender o seu mobiliario excedente e adquirir pezas a outros hoteis, promovendo a economía circular […]