Calidad

A medida foi recibida de forma desigual polo sector, ao considerar que chega tarde posto que moitos establecementos iniciaron os trámites para solicitar a impulsada polo ICTE mentres que outras entidades impulsaron os seus propios

A Secretaría de Estado de Turismo puxo en marcha un distintivo propio para aqueles establecementos que cumpran os requirimentos indicados nas guías de medidas antiCovid-19 visadas polo Ministerio de Sanidade. De carácter gratuíto, persoal e intrasferible, o novo selo pódese descargar na páxina web do Ministerio de Industria, Comercio e Turismo tras encher un formulario no que o establecemento mostra o seu compromiso a seguir as guías

“Ofrecer confianza e seguridade é esencial nestes momentos para volver atraer viaxeiros tanto nacionais como internacionais. Este distintivo é un elemento máis na nosa estratexia para reposicionarnos como destino turístico seguro a nivel mundial”, explicaba a secretaria de Estado de Turismo, Isabel Oliver, que destacou que o selo terá que renovarse con caráctetr anual e que servirá para “recoñecer a responsabilidade daqueles empresarios que fan un esforzo por crear unha contorna segura nos seus respectivos negocios non só para os turistas senón para os seus propios traballadores e os residentes”, engade Oliver

A secretaria de Estado de Turismo tamén aproveitou para lembrar que as guías de medidas para a redución do contaxio polo coronavirus SARS-CoV-2 serán a referencia para a creación de normas a nivel mundial, tras un acordo adoptado no seo da Organización Internacional de Normalización (ISO)

Lea de selos

Cabe destacar que en maio o ICTE anunciou a creación do selo ?Safe Tourism Certified? para distinguir a empresas, organizacións e demais recursos turísticos que implantaron o Sistema de Prevención de Riscos para a Saúde fronte á COVID-19 baseado nos 21 protocolos para reducir o contaxio polo coronavirus SARS-CoV-2 no sector turístico, un selo cun custo económico do que o Ministerio marcou distancias, ao ser o ICTE un ente de carácter privado e habérselle encomendado unicamente a elaboración dos protocolos en colaboración co sector. Agora, o Ministerio lanza o seu propio distintivo, gratuíto, que para algúns chega tarde, xa que empresarios e entidades avanzaron na adquisición ou implementación do seu propio.