El mejor turismo de galicia
CLÚSTER
ACTIVIDADES
NOVAS
DESCARGAS
BOLETÍN
CONTRATACIÓN
Galego
Español
Galego
English
CONTACTO
A Consellería de Cultura e Turismo avanza algúns dos seus novos produtos turísticos na primeira xornada de Fitur
Inicio
Actividades
A Consellería de Cultura e Turismo avanza algúns dos seus novos produtos turísticos na primeira xornada de Fitur
ACTIVIDADES
23 de Xaneiro de 2019
Categorías
Actividades
Actividades Destacadas
Cluster
destacados
Feiras
[:gl]Novas[:es]Noticias[:en]News[:]
Etiquetas
Feria Internacional
Fitur
presentaciones
Turismo de Galicia
A Consellería de Cultura e Turismo avanza algúns dos seus novos produtos turísticos na primeira xornada de Fitur
Co obxectivo de ofrecer unha imaxe de destino que busca a especialización e innova na creación de novos produtos turísticos, a primeira xornada da 39ª edición de Fitur, a Feira Internacional do Turismo que se celebra en Madrid e que serviu para avanzar na presentación das novidades deste ano para a Consellería de Cultura e Turismo.
Destaca entre elas, “Un paseo de historia e Vida”, froito do traballo levado a cabo no Ano Europeo do Patrimonio Cultural e que profunda nos centros históricos das sete cidades galegas nun proxecto dinámico e vivo no que se segue traballando xa que, segundo avanzou Román Rodríguez, o obxectivo é sumar outros centros históricos de interese. Durante a xornada tamén se presentou o primeiro Smart Way-Rede Española: a Ruta dos fenicios no Atlántico-As Cassitérides, un novo itinerario que, aproveitando o éxito dos Minicruceiros costeiros polas rías de Galicia que xa funcionan nas Rías Baixas, permitirá aos viaxeiros achegarse por mar a gran parte dos vestixios fenicios que aínda se conservan en Galicia e aplicar técnicas de realidade aumentada para coñecelos.
Outro das grandes protagonistas desta primeira xornada foi o Camiño de Santiago e os preparativos para o Xacobeo 2021 a través de varias presentacións nas que se profundou no Camiño francés como o itinerario destacado no 2019, os proxectos e accións que encherán de cultura e vida Galicia durante o Xacobeo 21 e a importancia de facer deste evento unha celebración universal e participativa do mesmo xeito que a accesibilidade no Camiño de Santiago e o labor de Galicia para garantir que a peregrinación sexa unha experiencia inclusiva, cun traballo plasmado no Plan de accesibilidade turística de Galicia e do Camiño de Santiago e coa colaboración de entidades como a ONCE.
Proxectos consolidados e candidaturas a Patrimonio Mundial
As candidaturas galegas a Patrimonio Mundial da Unesco, Cíes-Illas Atlánticas, Ribeira Sacra e Cidade de Ferrol: Porto da Ilustración tiveron un destacado protagonismo nesta primeira xornada na que tamén houbo espazo para produtos consolidados como a Ruta da Camelia, o enoturismo a través do programa Paseando entre viñedos ou Árbores singulares de Galicia. Os novos produtos deseñados desde a Consellería de Cultura e Turismo continuarán presentándose na caseta galegos ata o venres, profundando nun turismo que permite gozar da Comunidade sen présas á vez que axuda a poñer en valor e coidar os múltiples recursos paisaxísticos, culturais e patrimoniais da Comunidade.
Facebook
Twitter
Linkedin
Relacionado
22 de Outubro de 2025
Turismo de Galicia activa axudas para compensar as perdas por cancelacións en establecementos afectados polos incendios
Ler máis
22 de Outubro de 2025
O Consello Executivo do Clúster reúnese coa Deputación de Pontevedra para analizar posibles sinerxías
Ler máis
22 de Outubro de 2025
A gastronomía galega promociónase en Porto coa Semana Gastronómica “De Tapas por Galicia”
Ler máis
ACTUALIDADE
23-10-2025
Workshop Dublín - Noviembre 2025
22-10-2025
Turismo de Galicia activa axudas para compensar as perdas por cancelacións en establecementos afectados polos incendios
22-10-2025
O Consello Executivo do Clúster reúnese coa Deputación de Pontevedra para analizar posibles sinerxías
22-10-2025
A gastronomía galega promociónase en Porto coa Semana Gastronómica “De Tapas por Galicia”