Turismo Sostenible

• A sesión será vía en liña e celebrarase o martes, 3 de xuño, ás 16:30 horas.

Este martes, 3 de xuño, ás 16:30 h, o Clúster Turismo de Galicia celebrará o webinar “Recarga para vehículos eléctricos. Unha oportunidade para o turismo galego”, unha sesión en liña gratuíta na que se explicarán todos os detalles do acordo marco con ME Renewing, empresa especializada en mobilidade eléctrica do grupo Mota-Engil.

Este acordo permite aos establecementos turísticos galegos instalar puntos de recarga para vehículos eléctricos sen asumir ningún custo, facilitando así a súa adaptación a un modelo máis sostible e competitivo.

A xornada está aberta a todas as empresas interesadas en sumarse a esta iniciativa. Durante a sesión, abordaranse temas como o estado da electromobilidade en Galicia e España, o modelo de negocio de Renewing Remo, as condicións do convenio co Clúster, e para rematar habilitarase un espazo para resolver dúbidas.

Aínda estás a tempo de inscribirche e coñecer como sumarche a esta transformación. Accede aquí ao formulario de inscrición.