• As formacións gratuítas acollen diversas temáticas vinculadas ao sector que comezarán o vindeiro cinco de setembro.

O “proxecto Anfitrións do Turismo”, promovido pola Secretaría de Estado de Turismo, enmárcase dentro das “Directrices xerais da estratexia de turismo sostible de España 2030”. En concreto, no eixo estratéxico 4, ‘Espazo turístico, empresas e persoas’, a liña de actuación ‘Promover unha maior calidade do emprego turístico’, considera que os prestadores de servizos turísticos son a chave do éxito de empresas e destinos turísticos.

Segundo informa a Secretaría de Estado de Turismo, estes cursos deseñáronse co obxectivo de “achegar aos profesionais do sector as claves das últimas tendencias do turismo” e para iso propoñen unha oferta flexible, en liña e gratuíta con máis de 60 accións formativas con temáticas como a economía circular, o turismo sostible, a ciberseguridade, xestión de residuos ou estratexias de aforro de custos, entre outras.

O programa diríxese a profesionais de tódolos subsectores implicados na actividade turística: técnicos de destino, axentes de desenvolvemento local, persoal de organismos públicos, xestores de destinos, traballadores ou empresas turísticas de aloxamento, restauración, axencias de viaxes, transporte turístico, etc.

Animámoste a participar nalgunha das formacións que comezan en setembro e recordámosche que tes plena liberdade para realizalas dentro do prazo marcado, para inscribirte preme no seguinte enlace: Cursos formación programa anfitriones.

Facebook

Twitter

Linkedin