Vicepresidencia

As medidas para deter a pandemia impediron que unhas 2.000 persoas puidesen usar o bono

O vicepresidente primeiro da Xunta e coinselleiro de Turismo, Alfonso Rueda, anunciou hoxe, xunto coa directora da Axencia de Turismo de Galicia, Nava Castro, e o presidente do Clúster Turismo de Galicia, Cesáreo Pardal, a ampliación do bono “Quedamos en Galicia ”ata o 31 de maio de 2021.
O programa de bonos “Quedamos en Galicia” é unha iniciativa da Xunta en colaboración co Clúster de Turismo de Galicia que ten como obxectivo reactivar o sector nestes tempos de grandes dificultades.
Alfonso Rueda anunciou tamén que a iniciativa renovarase o ano que vén.
Máis de 18.000 persoas xa empregaron o bono e espérase que coa ampliación do prazo esta cifra poida chegar aos 20.000, o total previsto.